ક્રૂડ ઑઇલની કિંમતમાં થયો ફેરફાર ઘટી શકે છે પેટ્રોલ-ડિઝલના ભાવ

પેટ્રોલ અને ડિઝલની વધતી કિંમતોથી પરેશાન સામાન્ય જનતાને રાહત આપવા માટે સરકાર સતત પ્રયત્ન કરી રહી છે. આ વચ્ચે આંતરાષ્ટ્રીય બજારમાંથી સારા સમાચાર આવ્યા છે જે ઇંધણની વધતી કિંમતને રાહત આપવા માટે મદદ કરી શકે છે.

શુક્રવારે રશિયાની તરફથી તેલના સપ્લાયમાં ઢીલ આપવાના નિર્ણય બાદ ક્રૂડ ઑઇલની કિંમતોમાં નરમાશ આવી છે. તેવામાં આશા રાખવામાં આવી રહી છે કે દેશમાં પેટ્રોલ-ડિઝલના વધતા ભાવોમાંથી રાહત મળી શકે છે.

શુક્રવારે બ્રેંટ ક્રૂડ 44 સેંટ્સ સસ્તુ થયું છે આ સાથે જ 78.35 ડૉલર પ્રતિ બેરલ પર પહોચી ગયો છે. તેવામાં યુએસ વેસ્ટ ટેક્સાસ ઇંટરમીડિએટ ક્રૂડની કિંમતો પણ નીચે આવી છે. 33 સેંટ્સના કપાત સાથે તે 70.38 ડૉલર પર યથાવત છે.

રશિયાના ઉર્જામંત્રી એલેક્ઝાન્ડર નોવાકે પોતાના સાઉદી સમકક્ષ ખાલિદ-અલ-ફલિહ સાથે વાતચીત કરી. આ દરમિયાન બંને દેશો ક્રૂડ ઓઇલના વૈશ્વિક સપ્લાયની શરતોને સરળ બનાવવા માટે તૈયાર થયા છે.

ગત એક વર્ષથી ક્રૂડ ઑઇલનો સપ્લાય ઘટ્યો છે. તેના માટે પેટ્રોલિયમ એક્સપોર્ટિંગ કંટ્રીઝ તરફથી નિયમ સખત કરવામાં આવ્યા તે જવાબદાર હતા. આ ઉપરાંચ વેનેઝુએલામાં ચાલી રહેલા આર્થિક સંકટે પણ ક્રૂડ ઓઇલની કિંમતોને રેકોર્ડ સ્તર પર પહોંચાડવાનું કામ કર્યુ છે.

રશિયા અને સાઉદીની તરફથી વૈશ્વિક સપ્લાય માટેના નિયમો સરળ બનાવવામાં આવી આશા છે જેનાથી ક્રૂડ ઑઇલની કિંમતોમાં કેટલીક હદ સુધી રાહત મળી શકે છે. જો આવું થાય તો દેશમાં પેટ્રોલ અને ડિઝલની વધતી કિંમતોમાં રાહત મળી શકે છે જેનાથી સામાન્ય જનતા ખિસ્સા પર પડતો બોજ ઓછો થઇ શકે છે.

તમને જણાવી દઇએ કે કર્ણાટક ચૂંટણી બાદ સતત 11 દિવસોથી સતત પેટ્રોલ-ડિઝલની કિંમત વધી રહી છે. શુક્રવારે 12માં દિવસે પેટ્રોલ-ડિઝલની કિંમત ખૂબ જ વધી ગઇ છે. દેશમાં એક લિટર પેટ્રોલવી કિંમત 85નો આંકડો પાર કરી ચૂકી છે. ત્યારે ડિઝલ 72 રૂપિયા પ્રતિ લિટરની કિંમત પર વેચાય રહ્યુ છે. એવામાં ક્રૂડ ઑઇલની નરમીના સમાચાર ખરેખર રાહત આપનારા છે.