ભાવઘટાડો / આનંદો! ફરી આટલા રૂપિયા સસ્તું થઈ શકે છે પેટ્રોલ-ડિઝલ, આખા વિશ્વમાં દેખાઈ રહી છે અસર

• પેટ્રોલ ડીઝલના ભાવ ઘટશે 
• ક્રૂડ ઓઇલના ભાવમાં ઘટાડો
• 6 રૂપીયા સુધી ભાવ ઓછા થવા જોઈએ

આગામી કેટલાક દિવસોમાં દેશમાં પેટ્રોલ ડીઝલના ભાવને લઈને મોટા સમાચાર આવે તેવી સંભાવના છે. તાજેતરમાં કેન્દ્ર અને રાજ્ય સરકારો દ્વારા ટેક્સ ઘટાડાના કારણે ભાવ ઘટયા હતા તો હવે ફરી ભાવમાં મમોટો ફેરફાર થાય તેવી સંભાવના છે. 

નવેમ્બર મહિનામાં ક્રૂડ ઓઇલની કિંમતમાં લગભગ 10 ટકાનો ઘટાડો નોંધાઈ ચૂક્યો છે. હજુ શુક્રવારે ક્રૂડ ઓઇલની કિંમત 3 % જેટલી ઓછી થઈ હતી. જાણકારોના મત અનુસાર યુરોપિયન દેશો અને ઓસ્ટ્રેલિયામાં કોરોનાનાં કારણે ફરી એકવાર લોકડાઉન લાગુ કરવામાં આવ્યું છે. 

ક્રૂડ ઓઇલના ભાવમાં ઘટાડો

આ કારણથી ક્રૂડ ઓઇલના ભાવમાં ઘટાડો જોવા મળ્યો છે. આંકડાઓ અનુસાર અમેરિકી ક્રૂડ ઓઇલ WTI 84 ડોલર પ્રતિ બેરલથી 76 ડોલર પ્રતિ બેરલ એટલે કે 8 ડોલરનો ઘટાડો જોવા મળ્યો છે. જ્યારે શુક્રવારે 3.68 % જેટલા ઘટાડા સાથે ભાવ 2.91 ડોલર પ્રતિ બેરલ ઓછો થઈ ગયો હતો. 

બીજી તરફ બ્રેન્ટ ઓઇલની કિંમત 7% ઘટાડા સાથે 85 ડોલરથી 78.89 ડોલર પ્રતિ બેરલ પર આવી ગયો છે. શુક્રવારે બ્રેન્ટ ક્રૂડ ઓઇલના ભાવ પણ અંદાજે 3% જેટલા ઘટી ગયા હતા. 

ભારતમાં કાચા તેલના ભાવમાં ઘટાડો 
હવે જો ભારતની વાત કરવામાં આવે તો વાયદા બજારમાં કાચા તેલના ભાવ નવેમ્બર મહિનામાં 500 રૂપિયા પ્રતિ બેરલથી નીચે અઆવી ગયા છે. એક નવેમ્બરે કાચા તેલના ભાવ 6200 રૂપિયા પ્રતિ બેરલ 5669 પ્રતિ બેરલ પર આવી ગયા હતા. આનો અર્થ એ થયો કે વાયદા બજારમાં પણ કાચા તેલના ભાવ 8% જેટલા ઘટયા છે. 

કેમ ઘટે છે ભાવ
IIFL ના વાઇસ પ્રેસિડેન્ટ અનુજ ગુપ્તાના જણાવ્યા અનુસાર યુરોપિયન દેશો અને ઓસ્ટ્રેલીયામાં કોરોનાની અસર એક વાર ફરી જોવા મળી રહી છે અને કેટલાક દેશોમાં લોકડાઉનના સમાચાર મળી રહ્યા છે. જેના કારણે ભાવમાં પણ ઘટાડો જોવા મળી રહ્યો છે. તેમણે કહ્યું હતું કે આ ઘટાડો હજુ વધી શકે છે. 

6 રૂપીયા સુધી ભાવ ઓછા થવા જોઈએ
અનુજ ગુપ્તાનાં જણાવ્યા અનુસાર આવનાર દિવસોમાં ક્રૂડ ઓઇલની કિંમતમાં ઘટાડો થઈ શકે છે. આ કર્મ સોમવારથી જોવા મળશે. પેટ્રોલ ડીઝલના ભાવમાં ઘટાડો જોવા મળી શકે છે અને તેમણે કહ્યું હતું કે આંતરરાષ્ટ્રીય પેટ્રોલ ડીઝલના ભાવમાં જે રીતે ઘટાડો થયો છે તે જોતાં દેશના ભાવમાં 5 થી છ રૂપિયા આરામથી ઓછા થઈ શકે છે.