દેશભરમાં ફરી એક વાર પેટ્રોલ-ડીઝલના ભાવમાં વધારો જોવા મળ્યો છે. ત્યારે આ તરફ અમદાવાદમાં પણ ભાવ વધારો થતાં પ્રજા ત્રાહિમામ પોકારી રહી છે.
પેટ્રોલ-ડીઝલના ભાવમાં સતત વધારો
અમદાવાદમાં પેટ્રોલમાં 26 પૈસાનો વધારો
ડીઝલમાં 31 પૈસાનો વધારો
છેલ્લા કેટલાક સમયથી ક્રૂડ ઓઈલના ભાવમાં થઈ રહેલા ફેરફારને કારણે પેટ્રોલ અને ડીઝલના ભાવમાં વધારો નોંધાઈ રહ્યો છે. આજે પેટ્રોલમાં 26-27 પૈસા અને ડીઝલમાં 29-31 પૈસાનો વધારો થયો છે. 4 મે બાદ 19 વખત પેટ્રોલ-ડીઝલના ભાવ વધ્યા છે. તો અમદાવાદમાં પણ પેટ્રોલના ભાવ 92એ પહોંચ્યા છે.
અમદાવાદમાં પેટ્રોલના ભાવમાં 26 પૈસા વધ્યો
ઉલ્લેખનીય છે કે, અમદાવાદમાં પેટ્રોલમાં ભાવમાં 26 પૈસાનો વધારો થયો છે જ્યારે ડીઝલમાં 31 પૈસાનો વધારો નોંધાયો છે. આમ શહેરમાં પેટ્રોલનો ભાવ 92 રૂપિયા અને ડીઝલનો ભાવ રૂ.92.55 પર પહોં છે.
ગઈકાલે શું હતો ભાવ?
આપને જણાવી દઇએ કે, ગઇકાલે પેટ્રોલના ભાવ રૂ. 91.74 અને ડીઝલનો ભાવ રૂ.92.24 હતો.
મેં મહિનામાં 19 વખત વધ્યો પેટ્રોલ-ડીઝલનો ભાવ
મે મહિનાની વાત કરીએ તો આ એક જ મહિનામાં જ 19 વખત પેટ્રોલ-ડીઝલના ભાવ વધી ચૂક્યા છે. આ સાતે રોજના નજીવા ભાવ વધારા બાદ મુંબઇ, જયપુર સહિત દેશભરના અનેક શહેરમાં પેટ્રોલ 100 રૂપિયાએ પહોંચી ચૂક્યું છે. મધ્યપ્રદેશ અને રાજસ્થાનમાં પણ અનેક જિલ્લામાં પેટ્રોલ 100 રૂપિયાને પાર થયું છે. અલગ અલગ રાજ્યોમાં પેટ્રોલની કિંમતોમાં અંતર VATના કારણે હોય છે. 5 રાજ્યોમાં ચૂંટણી સમયથી કિંમતોમાં સ્થિરતા બાદ 4 મેથી ભાવમાં રોજ થોડા વધારા સાથે આજે સામાન્ય માણસની મુશ્કેલી વધી રહી છે.
રોજ સવારે 6 વાગે બદલાય છે પેટ્રોલ અને ડીઝલના ભાવ
ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડ બજારના ભાવનો આધારે પેટ્રોલ ડીઝલની કિંમતો નક્કી થાય છે. આ માપદંડોના આધાર પર પેટ્રોલ રેટ અને ડીઝલના રેટ નક્કી કરવામાં આવે છે જ્યારે ડીલરો રિટેલ કિંમતો પર ટેક્સ અને પોતાના માર્જિનને કાઢ્યા બાદ પેટ્રોલ વેચે છે.
આવી રીતે જાણી શકાય છે પેટ્રોલ ડીઝલના ભાવ
પેટ્રોલ-ડીઝલની કિંમત તમે SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.