ભાવવધારો / પેટ્રોલ-ડીઝલના ભાવ વધતા લોકોમાં રોષઃ એક મહિનામાં ભાવમાં થયો 3 રૂપિયાથી પણ વધુનો વધારો

• ફરીથી વધ્યા પેટ્રોલ અને ડીઝલના ભાવ
• ભાવ વધતા લોકોમાં રોષ
• મુંબઇમાં પેટ્રોલનો ભાવ 100ની નજીક

છેલ્લા કેટલાક દિવસોથી પેટ્રોલ અને ડીઝલની કિંમતોમાં તેલ કંપનીઓ સતત વધારો ઝીંકી રહી છે. જેના ભાગરૂપે આ મહિનામાં પેટ્રોલનો ભાવ 3.24 રૂપિયા પ્રતિલિટર વધી ચૂક્યો છે. તો સાથે જ ડીઝલની વાત કરીએ તો આ મહિનામાં ડીઝલનો ભાવ 2.94 રૂપિયા પ્રતિલિટર વધ્યો છે. 

આજે થયો આટલો ભાવ વધારો

આજે એટલે કે રવિવારની સવારે તેલ કંપનીઓએ ફરી એકવાર પેટ્રોલ અને ડીઝલની કિંમતોમાં વધારો કર્યો છે. આજે પેટ્રોલમાં 15થી 17 પૈસા અને ડીઝલમાં 25થી 29 પૈસાનો વધારો કરાયો હોવાનું જાણવા મળી રહ્યું છે. 

કયા શહેરમાં શું છે આજે પેટ્રોલ અને ડીઝલના ભાવ

મુંબઇ અને જયપુરમાં પ્રતિલિટર પેટ્રોલનો ભાવ 100 રૂપિયાની નજીક પહોંચ્યો
દિલ્લીમાં પેટ્રોલનો ભાવ 93.21 રૂ. અને ડીઝલ 84.07 રૂ.
મુંબઇમાં પેટ્રોલનો ભાવ 99.49 રૂ. અને ડીઝલ 91.30 રૂ.
કોલકાતા પેટ્રોલનો ભાવ 93.27 રૂ. અને ડીઝલ 86.91 રૂ.
બેંગાલુરુ પેટ્રોલનો ભાવ 96.31 રૂ. અને ડીઝલ 89.12 રૂ.
હૈદરાબાદ પેટ્રોલનો ભાવ 96.88 રૂ. અને ડીઝલ 91.65 રૂ.

જાણો તમારા શહેરમાં કેટલો છે ભાવ

પેટ્રોલ-ડિઝલની કિંમત તમે  SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.

દર રોજ સવારે 6 વાગે બદલાય છે કિંમતો
ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડના ભાવ શુ છે. આ આધારે રોજ પેટ્રોલ અને ડીઝલના ભાવમાં ફેરફાર થાય છે.  આ માપદંડોના આધાર પર પેટ્રોલ રેટ અને ડીઝલના રેટ નક્કી કરવાનું કામ તેલ કંપનીઓ કરે છે. ડીલર પેટ્રોલ પંપ ચલાવનારા લોકો છે. તે પોતાને રિટેલ કિંમતો પર ઉપભોક્તાઓને અંતમાં ટેક્સ અને પોતાના માર્જિનને જોડ્યા બાદ પેટ્રોલ વેચે છે. પેટ્રોલ - ડીઝલમાં આ કોસ્ટ પણ જોડાઈ જાય છે.