petrol diesel price / ફરી વધી પેટ્રોલની કિંમતો, ડીઝલના ભાવમાં કોઈ વધારો નહીં, 35 વખતના ભાવ વધારા બાદ જાણો આજે પેટ્રોલનો નવો ભાવ

•  દેશમાં પેટ્રોલની કિંમતોમાં વધુ એક વખત વધારો
• 11 રાજ્યોમાં પેટ્રોલની કિંમત 100રૂ/ લિટરથીપણ વધારે
• આજે ડીઝલની કિંમતમાં કોઈ વધારો કરાયો નથી

ગુજરાતમાં પણ પેટ્રોલના ભાવમાં વધારો યથાવત 
ગુજરાતમાં આજે ફરી પેટ્રોલના ભાવમાં 34 પૈસાનો વધારો કરવામાં આવ્યો છે. ગઈ કાલે પેટ્રોલના ભાવ  ભાવ 96.11 રૂપિયા પ્રતિ લિટર હતા જે વધીને આજે 96.45 રૂપિયા લિટર સુધી પહોંચી ચૂક્યા છે. એટલે કે અહીં પણ ભાવ લગભગ 100 રૂપિયાની નજીક જોવા મળી રહ્યા છે. જો કે રાહતની વાત એ પણ છે કે આજે ડીઝલના ભાવ  સ્થિર જોવા મળ્યા છે. 

અત્યાર સુધીમાં કેટલું મોંઘુ થયું પેટ્રોલ અને ડીઝલ
5 રાજ્યોમાં ચૂંટણી બાદ 4મેથી પેટ્રોલ અને ડીઝલના ભાવમાં સતત વધારો થતો આવ્યો છે. 4 મે બાદ અત્યાર સુધીમાં પેટ્રોલના ભાવ 35 વખત વધ્યા છે અને ડીઝલના ભાવ 33 વાર વધ્યા છે. આ વધારાના કારણે દેશના અનેક પેટ્રોલ પંપ પર ઈંધણ રેકોર્ડ સ્તરને પાર કરી ચૂક્યું છે. 

આ 11 રાજ્યોમાં પેટ્રોલ 100 રૂપિયા પ્રતિ લિટર થયું
11 રાજ્યોના લિસ્ટમાં રાજસ્થાન, બિહાર, આંધ્રપ્રદેશ, કર્ણાટક, તેલંગાણા, મધ્યપ્રદેશ, મહારાષ્ટ્ર, જમ્મૂ અને કાશ્મીર, ઓરિસ્સા, તમિલનાડુ અને લદ્દાખ છે. દેશમાં સૌથી મોંઘું પટ્રોલ રાજસ્થાનના શ્રીગંગાનગરમાં મળી રહ્યું છે. 

• દિલ્હી - પેટ્રોલ  99.51 રૂપિયા અને ડીઝલ 89.36 રૂપિયા પ્રતિ લિટર
• મુંબઈ - પેટ્રોલ 105.92 રૂપિયા અને ડીઝલ 96.91 રૂપિયા પ્રતિ લિટર
• ચેન્નઈ  - પેટ્રોલ 100.75 રૂપિયા અને ડીઝલ 93.91 રૂપિયા પ્રતિ લિટર
• કોલકત્તા - પેટ્રોલ 99.84 રૂપિયા અને ડીઝલ 92.27 રૂપિયા પ્રતિ લિટર
• જયપુર - પેટ્રોલ 106.64 રૂપિયા અને ડીઝલ 98.47 રૂપિયા પ્રતિ લિટર
• લખનઉ -પેટ્રોલ 96.99 રૂપિયા અને ડીઝલ 89.75 રૂપિયા પ્રતિ લિટર
•  પટના - પેટ્રોલ 102.01 રૂપિયા અને ડીઝલ 94.76 રૂપિયા પ્રતિ લિટર
• નોઈડા  - પેટ્રોલ 97.10 રૂપિયા અને ડીઝલ 89.83 રૂપિયા પ્રતિ લિટર

4મેના બાદ પેટ્રોલ અને ડીઝલની કિમતોમાં વારેઘડી થઈ રહેલા વધારાના કારણે અનેક શહેરોમાં પેટ્રોલની કિંમત 100 રૂપિયા / લિટર તો ક્યાંક 105 રૂપિયા /લિટરની થઈ છે. તેમાં જેસલમેર, ગંગાનગર, હૈદરાબાદ, લેહ, બાંસવાડા, ઈન્દોર, જયપુર, ભોપાલ, ગ્વાલિયર, ગુંટુરુ, કકિનાડા, ચિકમંગલુર, શિવમોગા, મુંબઈ, રત્નાગિરી, ઔરંગાબાદ, પટના, લેહનો સમાવેશ થાય છે. 

દર રોજ સવારે 6 વાગે બદલાય છે કિંમતો

ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડના ભાવ શુ છે. આ આધારે રોજ પેટ્રોલ અને ડીઝલના ભાવમાં ફેરફાર થાય છે.  આ માપદંડોના આધાર પર પેટ્રોલ રેટ અને ડીઝલના રેટ નક્કી કરવાનું કામ તેલ કંપનીઓ કરે છે. ડીલર પેટ્રોલ પંપ ચલાવનારા લોકો છે. તે પોતાને રિટેલ કિંમતો પર ઉપભોક્તાઓને અંતમાં ટેક્સ અને પોતાના માંર્જિનને જોડ્યા બાદ પેટ્રોલ વેચે છે. પેટ્રોલ - ડીઝલમાં આ કોસ્ટ પણ જોડાઈ જાય છે.

જાણો તમારા શહેરમાં કેટલો છે ભાવ

પેટ્રોલ-ડિઝલની કિંમત તમે  SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમાંરા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.