તેલ કંપનીઓએ આજે ફરી પેટ્રોલ અને ડીઝલના ભાવ વધારી દીધા છે. પેટ્રોલમાં 41 પૈસા અને ડીઝલમાં 24 પૈસાનો વધારો થયો છે. તો 11 રાજ્યોમાં પેટ્રોલની કિંમત 100રૂ.ને પાર પહોંચી છે.
આજે ફરી પેટ્રોલ અને ડીઝલના ભાવ વધ્યા
11 રાજ્યોમાં પેટ્રોલ થયું 100 રૂપિ/ લિટરને પાર
જાણો તમારા શહેરનો આજનો નવો ભાવ
દેશમાં સતત થઈ રહેલા પેટ્રોલ અને ડીઝલના ભાવ વધારાના કારણે હવે કિંમતો રેકોર્ડ સ્તરને પાર કરી ચૂકી છે. પેટ્રોલમાં 41 પૈસા અને ડીઝલમાં 24 પૈસાનો વધારો થયો છે. રાજધાની દિલ્હીમાં 1 લિટર પેટ્રોલના ભાવ 99.51 રૂપિયા પ્રતિ લિટર થયા છે તો ડીઝલની કિંમત પણ 89.36 રૂપિયા પ્રતિ લિટર થઈ છે. દેશના લગભગ 11 રાજ્યોમાં પેટ્રોલની કિંમતો 100 રૂપિયાને પાર પહોંચી ચૂકી છે.
આ 11 રાજ્યોમાં પેટ્રોલ 100 રૂપિયા પ્રતિ લિટર થયું
11 રાજ્યોના લિસ્ટમાં રાજસ્થાન, બિહાર, આંધ્રપ્રદેશ, કર્ણાટક, તેલંગાણા, મધ્યપ્રદેશ, મહારાષ્ટ્ર, જમ્મૂ અને કાશ્મીર, ઓરિસ્સા, તમિલનાડુ અને લદ્દાખ છે. દેશમાં સૌથી મોંઘું પટ્રોલ રાજસ્થાનના શ્રીગંગાનગરમાં મળી રહ્યું છે.
34 દિવસમાં 8.84 રૂપિયા મોંઘું થયું પેટ્રોલ
જોવા મળ્યું છે કે 5 રાજ્યોમાં વિધાનસભાની ચૂંટણી માટેની સૂચના 26 ફેબ્રુઆરીએ જાહેર થયા બાદ પેટ્રોલની કિંમતોમાં પણ વધારો થયો છે. માર્ચ અને એપ્રિલમાં ભાવ સ્થિર થયા બાદ 4મેથી ભાવમાં વધારો જોવા મળી રહ્યો છે. થોડો થોડો કરીને 34 દિવસમાં પેટ્રોલના ભાવમાં કુલ 8.84 રૂપિયાનો વધારો કરાયો છે.
33 દિવસમાં 8.39 રૂપિયા મોંઘું થયું ડીઝલ
5 રાજ્યોમાં વિધાનસભાની ચૂંટણી માટેની સૂચના 26 ફેબ્રુઆરીએ જાહેર કરવામાં આવી હતી. આ પછી સરકારી તેલ કંપનીઓએ 27 ફેબ્રુઆરી 2021 બાદ ડીઝલમાં 17 પૈસા/ લિટરનો વધારો કર્યો હતો. 2 મહિના બાદ પણ વધારે દિવસો સુધી તેના ભાવમાં કોઈ વધારો થયો નથી. ચૂંટણી પછી 4મેથી અત્યારસુધીમાં એટલે કે 33 દિવસમાં ભાવમાં તૂટક તૂટક 8.39 રૂપિયા/ લિટરનો વધારો થયો છે.
4મેના બાદ પેટ્રોલ અને ડીઝલની કિમતોમાં વારેઘડી થઈ રહેલા વધારાના કારણે અનેક શહેરોમાં પેટ્રોલની કિંમત 100 રૂપિયા / લિટર તો ક્યાંક 105 રૂપિયા /લિટરની થઈ છે. તેમાં જેસલમેર, ગંગાનગર, હૈદરાબાદ, લેહ, બાંસવાડા, ઈન્દોર, જયપુર, ભોપાલ, ગ્વાલિયર, ગુંટુરુ, કકિનાડા, ચિકમંગલુર, શિવમોગા, મુંબઈ, રત્નાગિરી, ઔરંગાબાદ, પટના, લેહનો સમાવેશ થાય છે.
દર રોજ સવારે 6 વાગે બદલાય છે કિંમતો
ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડના ભાવ શુ છે. આ આધારે રોજ પેટ્રોલ અને ડીઝલના ભાવમાં ફેરફાર થાય છે. આ માપદંડોના આધાર પર પેટ્રોલ રેટ અને ડીઝલના રેટ નક્કી કરવાનું કામ તેલ કંપનીઓ કરે છે. ડીલર પેટ્રોલ પંપ ચલાવનારા લોકો છે. તે પોતાને રિટેલ કિંમતો પર ઉપભોક્તાઓને અંતમાં ટેક્સ અને પોતાના માંર્જિનને જોડ્યા બાદ પેટ્રોલ વેચે છે. પેટ્રોલ - ડીઝલમાં આ કોસ્ટ પણ જોડાઈ જાય છે.
જાણો તમારા શહેરમાં કેટલો છે ભાવ
પેટ્રોલ-ડિઝલની કિંમત તમે SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમાંરા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.