ભાવ વધારો / મોંઘવારીનો ડબલ ડોઝ : ભડકે બળતા ઈંધણ ભાવ, આજે ગુજરાતના મોટા શહેરોમાં આટલું મોંઘુ થયું પેટ્રોલ-ડીઝલ

• મોંઘવારીનો માર પ્રજા બેહાલ
• પેટ્રોલ-ડીઝલના ભાવમાં સતત વધારો
• મોંઘવારીનો માર પ્રજા હેરાન પરેશાન

એક તરફ મોંઘવારીમાં સતત વધારો થઈ રહ્યો છે ત્યારે દિવસે દિવસે વધતા પેટ્રોલ ડીઝલના ભાવ સામાન્ય લોકોની કમર તૂટી રહી છે. કોરોના કાળ બાદ માણ ગાડી પાટા પર ચઢી છે ત્યારે ત્યારે બીજી તરફ પ્રજાને મોંઘવારીનો માર સહન કરવાનો વારો આવ્યો છે, પેટ્રોલ ડીઝલના ભાવમાં થતા વધારાને કારણે અન્ય જીવન જરુરી ચીજવસ્તુઓમાં પણ ધરખમ વધારો જોવા મળી રહ્યો છે. રોજ બદલાતા ભાવોની સાથે હવે રોજ ભાવ ઘટવાને બદલે સતત આસમાને આંબી રહ્યા છે. ત્યારે આજે પણ ઈંધણના ભાવમાં કરમ તોડ વધારો થયો છે. 

પેટ્રોલ-ડીઝલના ભાવમાં સતત વધારો

આજે ઈંધણના ભાવ ફરી વધતા સામાન્ય લોકો ચિંતામાં મુકાઈ ગયા છે.અમદાવાદમાં પેટ્રોલના ભાવમાં ફરી 34 પૈસાનો વધારો જોવા મળી રહ્યો છે તો ડીઝલના ભાવમાં પણ 38 પૈસાનો વધારો થયો છે. જેને લઈ આજે પેટ્રોલના ભાવ 103.57 રૂપિયા અને ડીઝલના ભાવ 103.06 રુપિયા પ્રતિ લિટર થયા છે.

જ્યારે સુરતમાં પણ પેટ્રોલમાં 34 પૈસા, ડીઝલમાં 37 પૈસા વધ્યા જેના કારણે  પેટ્રોલ 103.42, ડીઝલમાં 102.93 રૂપિયા પ્રતિ લિટર મોંઘુ થયું છે. તો વડોદરામાં પેટ્રોલ 103.21, ડીઝલમાં 102.70 રૂપિયા પ્રતિ લિટર મળી રહ્યું છે.

જ્યારે ભાવનગરમાં પેટ્રોલ 105.30, ડીઝલમાં 104.77 રૂપિયા પ્રતિ લિટર, જામનગરમાં પેટ્રોલ 103.50, ડીઝલમાં 102.99 રૂપિયા પ્રતિ લિટર અને ગાંધીનગરમાં પેટ્રોલ 103.78, ડીઝલમાં 103.27 રૂપિયા પ્રતિ લિટર મોંઘુ મળી રહ્યું છે. તો મહેસાણામાં પેટ્રોલ 103.68, ડીઝલમાં 103.19 રૂપિયા પ્રતિ લિટર વધારો થયો છે. 

મોંઘવારીનો માર પ્રજા હેરાન પરેશાન

હકીકતમાં સરકારે 30 સપ્ટેમ્બરે નેચરલ ગેસ એટલે કે ડોમેસ્ટિક ગેસની કિંમતમાં 62 ટકાના ધરખમ વધારાની જાહેરાત કરી હતી. ઓક્ટોબર-માર્ચના 6 મહિના (ઓક્ટોબર-2021થી માર્ચ-2022) માટે નેચરલ ગેસની કિંમત વધીને હવે 2.90 ડોલર પ્રતિ મેટ્રિક મિલિયન બ્રિટિશ થર્મલ યુનિટ (એમએમબીટીયુ) થઈ ગઈ છે, જ્યારે એપ્રિલ-સપ્ટેમ્બર, 2021 ના 6 મહિનાના સમયગાળા માટે આ કિંમત પ્રતિ એમએમબીટીયુ 1.79 ડોલર હતી.

આ રીતે જાણી શકાશે પેટ્રોલ ડીઝલના ભાવ 

પેટ્રોલ-ડીઝલના છૂટક ભાવમાં દરરોજ સુધારો કરવામાં આવે છે અને તે પછી નવા ભાવ સવારે 6 વાગ્યે બહાર પાડવામાં આવે છે. તમે ઘરે બેઠા SMS દ્વારા જ તમારા નજીકના પેટ્રોલ પંપ પર પેટ્રોલ-ડીઝલની કિંમત જાણી શકો છો. ઇન્ડિયન ઓઇલ ગ્રાહકો RSP સાથે સિટી કોડ દાખલ કરીને તેમના મોબાઇલ પરથી 9224992249 પર સંદેશ મોકલો. તમને ઇન્ડિયન ઓઇલ (IOCL) ની સત્તાવાર વેબસાઇટ પર સિટી કોડ મળશે. મેસેજ મોકલ્યા બાદ તમને પેટ્રોલ અને ડીઝલની નવીનતમ કિંમત મોકલવામાં આવશે. એ જ રીતે બીપીસીએલ(BPCL) ગ્રાહકો તેમના મોબાઇલ પરથી આરએસપી લખીને 9223112222 પર એસએમએસ મોકલી શકે છે. HPCL ના ગ્રાહકો HPPrice અને 9222201122 લખીને SMS મોકલી શકે છે. છૂટક ઇંધણના ભાવ નવા રેકોર્ડ સ્તરે પહોંચી ગયા છે. એ શહેરોની સંખ્યા સતત વધી રહી છે જ્યાં પેટ્રોલ 100 રૂપિયા પ્રતિ લિટરથી વધુ કિંમતે વેચાય છે.