શું પેટ્રોલના ભાવ ઘટશે ? / પેટ્રોલની સૅન્ચુરીથી દેશભરમાં ખળભળાટ, હરકતમાં આવતા સરકારે આપ્યું પ્રથમ વખત આ નિવેદન

• મધ્યપ્રદેશ,રાજસ્થાનમાં  પેટ્રોલનો ભાવ પ્રતિ લીટરે 100 રુપિયા પહોંચ્યો
• ભારતે અરેબિયા અને બીજા ગ્લોબલ તેલ ઉત્પાદક દેશોને ઉત્પાદનમાં ઘટાડો કરવાની અપીલ કરી
• ડિમાન્ડ રિકવરીને પ્રાથમિકતા આપવી જોઈએ.

મધ્યપ્રદેશ,રાજસ્થાન સહિતના બીજા રાજ્યોમાં પેટ્રોલનો ભાવ પ્રતિ લીટરે 100 રુપિયા પહોંચ્યો છે ત્યારે ભારતે હવે સાઉદી અરેબિયા અને બીજા ગ્લોબલ તેલ ઉત્પાદક દેશોને ઉત્પાદનમાં ઘટાડો કરવાની અપીલ કરી છે. આંતરરાષ્ટ્રીય ક્રૂડ ઓઈલની કિંમતોમાં વધારાને કારણે આર્થિક રિકવરી અને ડિમાન્ડ પર પ્રતિકૂળ અસર પડી રહી છે.

પેટ્રોલિમમ પ્રધાન ધર્મેન્દ્ર પ્રધાને જણાવ્યું કે આગામી થોડા મહિના માટે ઈંધણના ભાવ કરતા વધારે પ્રાથમિકતા ડિમાન્ડ રિકવરીને આપવી જોઈએ.

ઉત્પાદન ઘટાડાને કારણે ક્રૂડ ઓઈલના ભાવ વધ્યા
સરકારના જણાવ્યાનુસાર હકીકતમાં ઓપેક દેશો સાથે થયેલા કરાર બાદ સાઉદી અરેબિયાએ ફેબ્રુઆરી અને માર્ચમાં ક્રૂડ ઓઈલના ઉત્પાદનમાં પ્રતિદિન 10 લાખ બેરલ ઘટાડવાનો નિર્ણય કર્યો હતો જે પછી આંતરરાષ્ટ્રીય બજારમાં પેટ્રોલ-ડીઝલના ભાવમાં વધારો જોવા મળ્યો હતો. આને કરારણે ક્રુડ ઓઈલ પ્રતિ બેરલ દીઠ 63 ડોલરને પાર ચાલ્યું હતું જે વર્ષ સુધી સર્વોચ્ય સપાટીએ રહ્યું છે જેને કારણે ભારતમાં પેટ્રોલનો ભાવ 100 રુપિયા પ્રતિ લીટર થયો છે. 

ડિમાન્ડમાં ઘટાડાને કારણે ઈકોનોમી પર અસર 
પેટ્રોલિયમ મંત્રી પ્રધાને કહ્યું છેલ્લા અઠવાડિયા દરમિયાન કાચા તેલના વધતા જતા ભાવોને કારણે ડિમાન્ડમાં ઘટાડો જોવા મળી રહ્યો છે જેનાથી ઈકોનોમી પર માઠી અસર પડી છે. તેમણે કહ્યું કે ભારતે મોંઘવારીને ઘણા મોરચે કાબૂમાં લીધી છે પરંતુ કાચા તેલને કારણે પેદા થયેલી મોંઘવારી પર કંઈ થઈ શકે તેમ નથી. 

પ્રધાને જણાવ્યું કે ભાવવધારાને કારણે ભારતીય ગ્રાહકો પર અસર પડી રહી છે તેનાથી ડિમાન્ડ ગ્રોથ પર પણ અસર પડી રહી છે, તેનાથી ફક્ત ભારતમાં જ નહીં પરંતુ બીજા વિકાસશીલ દેશોમાં આર્થિક વૃદ્ધિ પર ખોટી અસર પડશે. 

સંતુલિત માર્ગ અપનાવવાની જરુર
પેટ્રોલિયમ મંત્રીએ કહ્યું કે ખતમ આધારિત રિકવરીની જરુર છે. ઉત્પાદનમાં ઘટાડાનો ઉલ્લેખ કરતા પ્રધાને કહ્યું કે ઉત્પાદક અને ઉપભોક્તા બન્ને દેશોનું સામૂહિક હિત તેને વધારવામાં છે.