તમિલનાડુમાં ભાજપની ઓફિસ પર પેટ્રોલ બોમ્બ ફેંકાયો હોવાના સમાચાર સામે આવ્યા હતા. જે બાદ ભાજપે કહ્યું હતું કે કોઈનાથી અમે ડરતા નથી.
ચેન્નાઈમાં ઝીંકાયો પેટ્રોલ બોમ્બ
ભાજપની ઓફિસ પર અજ્ઞાત લોકોએ ફેંક્યો બોમ્બ
ભાજપે કહ્યું અમે હુમલાથી ડરતા નથી
10 ફેબ્રુઆરીએ ઉત્તર પ્રદેશ વિધાનસભા ચૂંટણીના પ્રથમ તબક્કાના મતદાન પહેલા દેશમાં વાતાવરણ બગાડવાનો પ્રયાસ કરવામાં આવ્યો હતો. તમિલનાડુની રાજધાની ચેન્નાઈમાં અજ્ઞાત લોકોએ બીજેપી ઓફિસ પર પેટ્રોલ બોમ્બથી હુમલો કર્યો હતો. હુમલાખોરોને હજુ શોધી શકાયા નથી.
આ હુમલો બુધવાર-ગુરુવારે બપોરે 1 વાગ્યાની આસપાસ થયો હતો. હુમલાખોરો ટુ વ્હીલરમાં આવ્યા હતા અને બોમ્બ ફેંકીને ભાગી ગયા હતા. પોલીસ હજુ સુધી હુમલાખોરોને પકડી શકી નથી. જણાવી દઈએ કે હાલમાં તમિલનાડુ શહેરી સ્થાનિક સંસ્થાઓની ચૂંટણી 2022 માટે ભારે ગરમા ગરમી ચાલી રહી છે.
Chennai | An unidentified person allegedly throws a petrol bomb at Tamil Nadu BJP office around 1 am. Details awaited. pic.twitter.com/vglWAuRf5G
અમે ડરતા નથી
હુમલાના સમાચાર મળતા જ મોટી સંખ્યામાં કાર્યકરો ભાજપ કાર્યાલય પર પહોંચી ગયા હતા. તેમનામાં રોષ જોવા મળ્યો હતો. સ્થાનિક ભાજપ એકમે હુમલાખોરોની તાત્કાલિક ધરપકડ કરવા અને ષડયંત્રનો પર્દાફાશ કરવાની માંગ કરી છે.
DMK ની ભૂમિકા પર શંકા
આ ઘટના પર પ્રતિક્રિયા આપતા ભાજપના કરાટે ત્યાગરાજને જણાવ્યું હતું કે લગભગ 1:30 વાગ્યે ભાજપ કાર્યાલય પર પેટ્રોલ બોમ્બ ફેંકવામાં આવ્યો હતો. તેમના કહેવા મુજબ 15 વર્ષ પહેલા ડીએમકેની ભૂમિકા સાથે પણ આવી જ ઘટના બની હતી. ભાજપે આ હુમલા માટે તમિલનાડુ સરકારની નિંદા કરી અને કહ્યું કે ભાજપ આવા હુમલાથી ડરશે નહીં.