પેટ્રોલ-ડીઝલના ભાવ આસમાને પહોંચ્યા છે. માત્ર 3 મહિનામાં જ 5-7 રૂપિયાનો તોતીંગ ભાવ વધારો જીંકી દેવાયો છે. ત્યારે જનતાને આ તોતીંગ ભાવ વધારામાંથી હવે મુક્તિ મળી શકે છે. જીહાં ટૂંક સમયમાં જ સમગ્ર દેશમાં પેટ્રોલ અને ડીઝલના ભાવ એક સમાન કરવાની દિશામાં કેન્દ્ર સરકાર કામ કરી રહી છે એટલે કે પેટ્રોલિયમ પ્રોડક્ટ્સનો GSTમાં સમાવેશ કરી શકે છે.
મોંઘવારીના માર વચ્ચે પેટ્રોલ-ડીઝલના ભાવ પણ આસમાને પહોંત્યા છે. દેશના તમામ રાજ્યોમાં પેટ્રોલ-ડીઝલના ભાવ અલગ-અલગ જોવા મળી રહ્યા છે. જનતા આ મોંઘવારીના મારથી પરેશાન છે. ત્યારે ટૂંક સમયમાં જ લોકોને મોંઘવારીના મારમાંથી મોટી રાહત મળી શકે છે. સમગ્ર દેશમાં પેટ્રોલ-ડીઝલના ભાલ એક સમાન થઈ શકે છે. આ દિશામાં સરકારી સ્તરે પર પ્રયાસો પણ શરૂ કરી દેવામાં આવ્યા છે. રાજ્ય નેચરલ ગેસ પર 5 ટકા વેટ અને ઉત્પાદનોમાં વપરાતા પેટ્રોલ-ડીઝલ જેવા ઈંધણો પર વેટના દરો ઓછા કરવા માટે સંમત થઈ ગયા છે.
તમામ રાજ્યોમાં પેટ્રોલ-ડીઝલ પર માળખું તૈયર કર્યા બાદ GST કાઉન્સિલ આ સ્કીમ પર વિચાર કરશે. એક સરકારી અધિકારીના જણાવ્યા પ્રમાણે GST કાઉન્સિલ આ પ્રસ્તાવ પર ટૂંક સયમાં જ પોતાનો અંતિમ નિર્ણય લેશે. આ મુદ્દે હાલ કેન્દ્ર અને રાજયો વચ્ચે અધિકારિક સ્તર પર વાતચીત ચાલી રહી છે અને જો સમગ્ર દેશમાં પેટ્રોલિયમ પ્રોડક્ટ્સ પર એક સમાન ટેક્સ થઈ જશે તો. તમામ રાજ્યોમાં પેટ્રોલ-ડીઝલના ભાવ પણ ઘટી શકે છે. મહત્વનું છે કે ખુદ્દ પેટ્રોલિયમ મંત્રી ધર્મેન્દ્ર પ્રધાન પણ પેટ્રોલ-ડીઝલને GSTની હેઠળ લાવવા માગી રહ્યા છે.
પેટ્રોલ-ડિઝલ સસ્તા થશે !
માળખું તૈયર કર્યા બાદ GST કાઉન્સિલ સ્કીમ પર કરશે વિચાર
GST કાઉન્સિલ પ્રસ્તાવ પર ટૂંકસમયમાં લેશે નિર્ણય
અધિકારિક સ્તર પર કેન્દ્ર અને રાજ્યો વચ્ચે વાતચીત ચાલુ
સમગ્ર દેશમાં પેટ્રોલિયમ પ્રોડક્ટ્સ પર એક સમાન ટેક્સ લાગી શકે છે
તમામ રાજ્યોમાં પેટ્રોલ-ડીઝલના ભાવમાં ઘટાડો થઈ શકે
અમે નાણા મંત્રીને પેટ્રોલિયમના ભાવ બાબતે અપીલ કરી છે. કે સમગ્ર દેશમાં પેટ્રોલ સિવાયની અન્ય પ્રોડક્ટો અને સવાઓના કર એક સમાન છે. ત્યારે પેટ્રોલિયમ પેદાસોના ભાવ પણ GSTના દાયરામાં લાવવા જોઈએ. જેથી કરીને રાજ્યો વચ્ચે ભાવોની અસમાનતા ટાળી શકાય.
ઉલ્લેખનીય છે કે કેન્દ્ર સરકાર પહેલા જ પેટ્રોલિયમ પ્રોડ~ટ્સને GST હેઠળ લાવવા માગતી હતી પરંતુ આ સેક્ટરમાં રિઝર્વનો મોટો ભાગ ધરાવતા રાજ્યોએ તેનું સમર્થન ન કર્યું પરંતુ જો તમામ રાજ્યો કેન્દ્રના આ પ્રસ્તાવ પર મોહર લગાવી દે તો પેટ્રોલિયમ પ્રોડક્ટ્સ પર એક સમાન ટેક્સ રેટ નક્કી કરવાની દિશામાં મહત્વપૂર્ણ પગલું હશે.