પેટ્રોલ ડિઝલના ભાવને લઈને આજે નાણામંત્રી નિર્મલા સિતારમણ દ્વારા મોટી જાહેરાત કરવામાં આવી શકે છે. જેમા પેટ્રોલને GSTમાં લેવા મુદ્દે આજે તેઓ મોટું નિવેદન આપી શકે છે.
પેટ્રોલ ડિઝલમાં ભાવમાં મળી શકશે મોટી રાહત
નાણા મંત્રી નિર્મલા સિતારમણ કરશે મોટી જાહેરાત
બેડ બેંકો મુદ્દે લેવાશે મોટા નિર્ણય
કેન્દ્રીય નાણા મંત્રી નિર્મલા સીતારમણ આજે સાંજે પ્રેસ કોન્ફરન્સ કરશે તેવી સૂત્રો દ્વારા માહિતી સામે આવી છે. આ પ્રેસ કોન્ફરન્સમાં પેટ્રોલને GSTમાં લેવા મુદ્દે તેઓ મહત્વની જાણકારી આપી શકે છે. આપને જણાવી દઈએ કે આવતીકાલે GST કાઉન્સીલને લઈને મહત્વની બેઠક યોજાવાની છે. જેથી આજે તે જે પ્રેસ કોન્ફરન્સ યોજવાના છે. તે ઘણી મહત્વની રહેશે.
બેડ બેંકો મુદ્દે આપશે માહિતી
આ સિવાય આજની પ્રેસ કોન્ફરન્સમાં નાણામંત્રી બેડ બેંકોને લઈને કેબિનેટમાં જે પણ નિર્ણયો લેવાયા છે. તેને લઈને મહત્વની માહિતી આપી શકે છે. ભારતીય બેંક સંઘે સરકારની ગેરંટી લગભગ 31 હજાર કરોડ રૂપિયા હોવાનું અનુમાન લગાવ્યું છે. સાથેજ IBAને ખરાબ બેંક મુદ્દે કામ સોંપવામાં આવ્યું છે.
બેડ બેંક બન્યો ચર્ચાનો મુદ્દો
આપને જણાવી દઈએ કે હાલ બેડ બેંકને લઈને ઘણી ચર્ચાઓ થઈ રહી છે. એક્સપર્ટસનું કહેવું છે કે બેડ બેંક કોઈ બેક નથી પરંતુ આ એક અસેટ રિકંન્સટ્રકશન કંપની છે જે બેંકના દેવાને અન્ય જગ્યાએ ટ્રાન્સફર કરશે. આવું કરવાથી બેંકો સરળતાથી અન્ય લોકોને લોન આપી શકશે.
લોન ન વસૂલાતા બેંકનું દેવું વધે છે
સામાન્ય રીતે જ્યારે કોઈ માણસ બેંક પાસેથી લોન લે અને જ્યારે તે લોન ભરપાઈ ન કરી શકે ત્યારે તેના લોન ખાતાને બંધ કરી દેવામાં આવે છે. બેંક દ્વારા તેની પાસેથી લોનની રીકવરી તો કરવામાં આવે છે. પરંતુ મોટા ભાગના કેસમાં પૂરી રકમ વસૂલ નથી થતી.
પેટ્રોલ -ડિઝલ મુદ્દે મળશે મોટી જાણકારી
ઉલ્લેખનીય છે કે આજે નાણામંત્રી જે પ્રેસ કોન્ફરન્સ યોજાવાની છે. તેમા ખાસ કરીને પેટ્રોલ ડિઝલના ભાવને લઈને મહત્વની જાણકારી આપવામાં આવી શકે છે. જેમા પેટ્રોલ અને ડિઝલને GSTમાં લેવામાં આવશે કે નહી તે મુદ્દે મોટી જાણકારી આપવામાં આવશે.