OPEC અને તેના સહયોગી દેશો વચ્ચે રવિવારે થયેલી બેઠક બાદ આશા છે કે પેટ્રોલ-ડીઝલ ટૂંક સામયમાં જ સસ્તું થઈ શકે છે.
OPECએ કરી હતી તેના સહયોગી દેશો સાથે બેઠક
પેટ્રોલ-ડીઝલ ટૂંક સમયમાં જ થઈ શકે છે સસ્તું
5 દેશો વધારશે ક્રૂડ ઓઈલનું દૈનિક ઉત્પાદન
ટૂંક સામયમાં જ પેટ્રોલ-ડીઝલના ભાવમાં ઘટાડો થવાની આશા છે. ઓઇલ ઉત્પાદક અને નિકાસકાર દેશોના સંગઠન (OPEC) અને તેના સહયોગી દેશો સાથેની ઓનલાઈન કોનફરેન્સ બાદ રવિવારે એક નિવેદનમાં જણાવવામાં આવ્યું કે ઇરાક, કુવૈત, રશિયા, સાઉદી અરબ અને UAEના ઓઇલ ઉત્પાદક ક્રૂડ ઓઇલનું ઉત્પાદન ઓગસ્ટ મહિનામાં વધારશે. અગાઉ આ દેશો વચ્ચે વિવાદના કારણે ઓઇલની કિંમતો પર અસર થઈ હતી. રશિયા ઓપેકનો સહયોગી દેશ છે.
4,00,000 બૈરલનો થશે વધારો
એક રિપોર્ટ અનુસાર, ઓપેક દેશોએ જણાવ્યું છે કે ઓગસ્ટ મહિનાથી ક્રૂડ ઓઇલના ઉત્પાદનમાં દર મહિને દૈનિક 4,00,000 બૈરલનો વધારો કરવામાં આવશે. આ રીતે આ સમયે લાગુ 58 લાખ બેરલ પ્રતિ દિવસની કપાત ધીરે ધીરે 2022ના અંત સુધી ખતમ થઈ જશે. આ નિર્ણય બાદ 2 મિલિયન BPD ઉતપાદન ફરી શરૂ શાકાશે.
5 દેશોનું વધશે ઉત્પાદન સ્તર
ઓનલાઈન કોન્ફરન્સ બાદ UAEના ઉર્જા મંત્રી સુહૈલ-અલ-મજરૂઈએ જણાવ્યું છે કે સંપૂર્ણ સહમતિથી આ નિર્ણય લેવાયો છે. સાઉદી અરબના ઉર્જા મંત્રી શહઝાદા અબ્દુલઅજીજ બિન સલમાને જણાવ્યું હતું કે ઓપેક સમૂહ વચ્ચે પ્રોડક્શન લિમિટ નક્કી કરવામાં આવશે. ત્યારબાદ ઓપેકના નિવેદનમાં 5 દેશોના ઉત્પાદન સ્તર વધારવા માટે આપેલ અનુમતિની માહિતી આપવામાં આવી હતી.
કયા દેશોનો કેટલો વધશે ઉત્પાદન
નવી નિર્ધારિત નીતિઓ હેઠળ UAE મે 2022થી દરરોજ 35 લાખ બૈરલનું ઉત્પાદન કરી શકશે. એક રિપોર્ટ અનુસાર, UAEએ અગાઉ તેના 38 લાખ બૈરલના દૈનિક ઉત્પાદનની માંગ કરી હતી. સાઉદી અરબનું દૈનિક ઉત્પાદન સ્તર 1.10 કરોડ બૈરલથી વધારીને 1.15 કરોડ બૈરલ કરવામાં આવશે. રશિયાનું દૈનિક ઉત્પાદન સ્તર પણ 1.10 કરોડ બૈરલથી વધારીને 1.15 કરોડ બૈરલ કરવામાં આવશે. ઈરાક અને કૂવૈતનો દૈનિક ઉત્પાદન સ્તર 50,0000 લાખ બૈરલ જેટલું વધારવામાં આવશે નહીં.
વેક્સિનેશન અભિયાનથી પ્રવૃત્તિઓમાં થઈ રહ્યો છે સુધાર
ઓપેકના નિવેદનમાં જણાવવામાં આવ્યું છે કે ક્રૂડ ઓઇલની કિંમતોમાં સતત વધારો થઈ રહ્યો છે. વિશ્વના મોટાભાગના વિસ્તારોમાં વેક્સિનેશન અભિયાન સ્પીડમાં થવાથી આર્થિક પ્રવૃત્તિઓમાં સુધારો જોવા મળી રહ્યો છે. અગાઉ આ જ મહિનામાં ક્રૂડ ઓઇલ ઉત્પાદનને લઈ ચર્ચા અધૂરી રહી ગઈ હતી. કારણકે UAE તેનું ઉત્પાદન સ્તર વધારવા માંગતુ હતું. તેથી UAE અને સાઉદી અરબ વચ્ચે વિવાદ સર્જાયો હતો.
મહામારીની અસર જોવા મળી
કોરોના વાયરસ મહામારી વચ્ચે જેટ ફ્યુલ અને વાહન ફ્યુલની માંગ ઘટવાથી ક્રૂડ ઓઇલની કિંમતોમાં ઘરખમ ઘટાડો થયો હતો. વિશ્વની પ્રમુખ અર્થવ્યવસ્થાઓમાં સ્પીડથી વેક્સિનેશન થયા બાદ માંગમાં સુધારો થયો છે. બેન્ચમાર્ક બ્રેન્ટ ક્રૂડ ઓઇલનો ભાવ શુક્રવારે 73 ડોલર પ્રતિ બૈરલ હતો. ઓપેક અને તેના સહયોગી દેશોએ વર્ષ 2020માં ક્રૂડ ઓઇલના દૈનિક ઉત્પાદનમાં એક કરોડ બૈરલના ઘટાડાનો નિર્ણય કર્યો હતો જેથી તેનો ભાવ વધી શકે. ત્યારબાદ 42 લાખ બૈરલનું દૈનિક ઉત્પાદન વધારીને ઓઇલ સસ્તુ કરવામાં આવ્યું હતું. હાલ 58 લાખ દૈનિક ઉત્પાદન ઘટાડો લાગુ છે.