કર્ણાટક વિધાનસભાની ચૂંટણી પૂર્ણ થતાં જ પેટ્રોલ-ડીઝલના ભાવમાં ભડકો થયો છે. આશરે 19 દિવસ સુધી પેટ્રોલ-ડીઝલના ભાવ સ્થિર રહ્યા બાદ કર્ણાટક ચૂંટણીના ઠીક એક દિવસ બાદ તેના ભાવમાં વધારો કરવામાં આવ્યો છે.
પેટ્રોલના ભાવમાં 17 પૈસા જ્યારે ડીઝલના ભાવમાં 21 પૈસાનો વધારો થયો છે. આ વધારાની સાથે જ છેલ્લા 56 મહિના બાદ પેટ્રોલ ડીઝલના ભાવ સૌથી ઉંચા સ્તરે છે. ક્રુડ ઓઈલના ભાવમાં વધારો થવા છતાં સરકારે 19 દિવસ સુધી પેટ્રોલ-ડીઝલના ભાવમાં વધારો ન કર્યો અને ચૂંટણી બાદ તરત જ ભાવ વદારી દીધા છે.
અચાનક ભાવ વધવા પરથી સાબિત થઈ રહ્યું છે કે સરકારને માત્ર સત્તા માં જ રસ છે. સરકારને જનતાના ભલામાં કોઈ રસ નથી. સરકારના ઈશારે જ 19 દિવસ સુધી ભાવ વધ્યા ન હતા.
એક તરફ જનતા પર મોંઘવારીનો માર પડી રહ્યો છે. તો તરફ સરકાર માલમાલ થઈ રહી છે. સરકારને પોતાની તિજોરી ભરવામાં જ રસ છે. અનેક લોકોના પર્શ્નો છે કે શા માટે સરકાર જીએસટીમાં પેટ્રોલ-ડીઝલને સમાવતી નથી.