તેલ કંપનીઓએ 12 દિવસ પછી પેટ્રોલ-ડિઝલના ભાવ ઓછા કર્યા છે. ગુરુવારે અમદાવાદમાં પેટ્રોલ-ડિઝલના ભાવમાં ઘટાડો થયો છે. અમદાવાદમાં પેટ્રોલના ભાવમાં 20 પૈસાનો અને ડિઝલના ભાવમાં 11 પૈસાનો ઘટાડો થયો છે. જ્યાર બાદ અમદાવાદમાં પેટ્રોલનો ભાવ રૂ. 79.55 પ્રતિ લિટરે થયો . જ્યારે ડિઝલનો ભાવ રૂ. 78.95 પ્રતિ લિટર થયો છે.
દિલ્હીમાં પેટ્રોલ 21 પૈસા સસ્તું થયું. અહીં ભાવ 82.62 રૂપિયા થઈ ગયો છે. ડીઝલનો ભાવ 11 પૈસા ઘટી 75.58 રૂપિયા થઈ ગયો. જ્યારે મુંબઇમાં પેટ્રોલ પ્રતિ લિટર 88.08 રૂપિયા અને ડિઝલ પ્રતિ લિટર 79.24 રૂપિયા છે.
ચેન્નાઇમાં પેટ્રોલ 22 પૈસા અને ડિઝલમાં 11 પૈસાનો ઘટાડો થયો છે. જે પછી ક્રમશ પેટ્રોલ અને ડિઝલમાં 88.88 રૂપિયા અને 79.93 રૂપિયા પ્રતિ લિટર મળી રહ્યુ છે. કોલકાતામાં પેટ્રોલ-ડિઝલ 21 અને 11 પૈસા સસ્તુ થયું છે અને તેની નવી કિંમત 84.44 અને 77.43 રૂપિયા પ્રતિ લિટર છે.
આ પહેલા 5 ઓક્ટોબરે પેટ્રોલ-ડીઝલ સસ્તા થયા હતા જ્યારે સરકારે એક્સાઇઝ ડ્યૂટી 1.5 રૂપિયો ઘટાડ્યો અને તેલ કંપનીઓએ 1 રૂપિયો ઓછો કર્યો હતો. ગુજરાત સહિતના અનેક રાજ્યોએ પણ રૂ.2.5નો ઘટાડો જાહેર કર્યો હતો. લગભગ 2 અઠવાડિયા પછી તેલની કિંમતોમાં ફરી ઘટાડો થયો છે.