GOOD NEWS / પેટ્રોલ ડીઝલના ભાવમાં મળી શકે છે રાહત, મોદી સરકાર જો આ કામ કરી દે તો થઈ જશે તમારો ફાયદો

• પેટ્રોલ-ડીઝલના ભાવમાં થઇ શકે ઘટાડો
• એક્સાઇઝ ડ્યુટી ઘટાડવા સરકારની વિચારણા
• અગાઉ સરકારે પેટ્રોલમાં 5 રૂપિયા એક્સાઇઝ ડ્યુટી ઘટાડી હતી

પેટ્રોલ-ડીઝલની વધતી કિંમતોથી કેન્દ્ર સરકાર પણ ઘણી ચિંતિત છે. આ જ કારણ છે કે તેલની કિંમતોને લઈને કેન્દ્ર રાજ્ય સરકારો સાથે સતત વાતચીત કરી રહ્યું છે. આ દરમિયાન એક રાહતના સમાચાર સામે આવ્યા છે. કેન્દ્ર સરકાર પેટ્રોલ અને ડીઝલના ભાવમાં સામાન્ય માણસને રાહત આપવાનું વિચારી રહી છે.

દેશ ભરમાં પેટ્રોલ-ડીઝલના ભાવમાં થઇ શકે છે ઘટાડો
 
કેન્દ્ર સરકાર ટૂંક સમયમાં લોકોને પેટ્રોલ તથા ડીઝલમાં જે અસહ્ય ભાવ વધારામાંથી રાહત આપવા પગલાં ભરી શકે છે. સૂત્રોના જણાવ્યા અનુસાર  પેટ્રોલિયમ અને કુદરતી ગેસ મંત્રાલય અને નાણાં મંત્રાલય પેટ્રોલ તથા ડીઝલ પરની એક્સાઈઝ ડ્યુટીમાં ઘટાડો કરવાની દિશામાં વિચારણા કરી રહ્યા છે.

અગાઉ સરકારે પેટ્રોલમાં 5 રૂપિયા એક્સાઇઝ ડ્યુટી ઘટાડી હતી

ગયા વર્ષે નવેમ્બરમાં કેન્દ્ર સરકારે પેટ્રોલ અને ડીઝલ પર એક્સાઈઝ ડ્યુટીમાં ઘટાડો કર્યો હતો. તે સમયે પેટ્રોલ પર પ્રતિ લીટર પાંચ અને ડીઝલ પર રૂપિયા 10 ઘટાડો કર્યો હતો. નાણાં મંત્રાલયે ગયા વર્ષે લોકસભામાં પેટ્રોલ તથા ડીઝલ પર કેટલા પ્રમાણમાં એક્સાઈઝ ડ્યુટી સરકાર દ્વારા વસૂલવામાં આવે છે તે અંગે માહિતી આપી હતી.

22 માર્ચ બાદ પેટ્રોલ- ડીઝલમાં કેટલો ભાવ વધારો થયો

ઓઈલ માર્કેટીંગ કંપનીઓએ 11 એપ્રિલના રોજ સતત પાંચમા દિવસે પેટ્રોલ-ડીઝલની કિંમતમાં કોઈ વધારો કર્યો નથી. અલબત 22 માર્ચથી છઠ્ઠી એપ્રિલ દરમિયાન પેટ્રોલ અને ડીઝલની કિંમતમાં લીટર દીઠ રૂપિયા 10નો વધારો કરવામાં આવ્યો હતો. આ સંજોગોમાં સરકાર એક્સાઈઝ ડ્યુટીમાં યોગ્ય પ્રમાણમાં ઘટાડો કરવા અંગેનો નિર્ણય કરી શકે છે.

પેટ્રોલ ડીઝલના ભાવમાં 10 રૂપિયા પ્રતિ લીટરનો વધારો થયો છે

તમને જણાવી દઈએ કે 11 એપ્રિલે સતત પાંચમા દિવસે ઓઈલ માર્કેટિંગ કંપનીઓએ પેટ્રોલ અને ડીઝલના ભાવમાં કોઈ ફેરફાર કર્યો નથી. જો કે, 22 માર્ચથી 6 એપ્રિલની વચ્ચે, પેટ્રોલ ડીઝલની કિંમતમાં ચોક્કસપણે 10 રૂપિયા પ્રતિ લિટરનો વધારો થયો છે.

LPG સિલિન્ડના ભાવ ઉપર સરકારની ચાપતી નજર

ભારત સરકાર LPGની કિંમત પર ચાંપતી નજર રાખી રહી છે. સરકાર ઘરેલુ LPG સિલિન્ડરની કિંમતને સ્થિર રાખવાનો પ્રયત્ન કરી રહી છે જ્યારે કોમર્શિયલ LPGની કિંમતમાં વધુ એક વખત વધારો કરી શકે છે. 

પેટ્રોલ-ડીઝલના ક્યાં કેટલા ભાવ?

શહેર         પેટ્રોલ           ડીઝલ 
અમદાવાદ  105.06        99.43
દિલ્લી        105.41        96.67
મુંબઇ        120.51        104.77
કોલકાતા    115.12        99.83
ચેન્નાઈ        110.85        100.94