સરકારી તેલ કંપનીઓ છેલ્લા 10 દિવસથી સતત પેટ્રોલ અને ડીઝલના ભાવ વધારી રહી છે. જેના કારણે અનેક જગ્યાએ પેટ્રોલના ભાવ 100 રૂ/લી. પહોંચ્યા છે.
પેટ્રોલ અને ડીઝલના ભાવમાં સતત વધારો
અનેક જગ્યાઓએ પેટ્રોલ 100 રૂપિયાને પાર
ગુજરાતમાં પણ વધી રહ્યા છે પેટ્રોલ ડીઝલના ભાવ
ગુરુવારે આટલા વધ્યા પેટ્રોલ અને ડીઝલના ભાવ, જાણો નવા ભાવ
સરકારી તેલ કંપનીઓએ સતત 10મા દિવસે પણ ભાવ વધારો ચાલુ રાખ્યો છે. ગુરુવારે સવારે ઈંધણના ભાવમાં 30-35 પૈસાનો વધારો કરાયો છે. આ પછી દિલ્હીમાં એક લિટર પેટ્રોલની કિંમત 89.88 રૂપિયા પ્રતિ લીટર અને ડીઝલની કિંમત 80.27 રૂપિયા પ્રતિ લીટર થઈ છે. મુંબઈમાં પેટ્રોલની કિંમત વઘીને 96.32 રૂપિયા પ્રતિ લીટર અને ડીઝલની કિંમત 87.32 રૂપિયા થઈ છે. પેટ્રોલ અને ડીઝલના ભાવ દેશના અનેક શહેરોમાં 100 રૂપિયા પ્રતિ લીટરને પાર થયા છે.
ગુજરાતમાં પણ થયો પેટ્રોલ-ડીઝલના ભાવમાં વધારો
અમદાવાદમાં પેટ્રોલમાં 32 પૈસા,ડીઝલમાં 34 પૈસાનો વધારો થયો છે અને આ સાથે જ અમદાવાદમાં પેટ્રોલનો ભાવ 87.02 રૂપિયા પ્રતિ લીટર પહોંચ્યું છે તો અમદાવાદમાં ડીઝલનો ભાવ 86.40 રૂપિયા પ્રતિ લીટર થયો છે. વડોદરામાં પેટ્રોલમાં 29 અને ડીઝલમાં 38 પૈસાનો વધારો થતાં જ વડોદરામાં પેટ્રોલની કિંમત 86.16 પ્રતિ લીટર અને ડીઝલની કિંમત 85.50 પ્રતિ લીટર પહોંચી છે. તો સુરતમાં પેટ્રોલમાં 33 પૈસાનો, ડીઝલમાં 34 પૈસાનો વધારો થવાની સાથે સાથે સુરતમાં પેટ્રોલનો ભાવ 87.07 રૂપિયા પ્રતિ લીટર થયો છે તો ડીઝલનો ભાવ 86.47 પ્રતિ લીટરને પાર થયો છે. રાજકોટમાં પેટ્રોલમાં 33 પૈસા ડીઝલમાં 34 પૈસાનો વધારો થતાં જ રાજકોટમાં પેટ્રોલનો ભાવ 86.83 રૂપિયા પ્રતિ લીટર પહોંચ્યું તો ડીઝલનો ભાવ 86.22 રૂપિયા પ્રતિ લીટર થઈ ચૂક્યો છે. આ સાથે જ ભાવનગરમાં પેટ્રોલનો ભાવ 88.48 રૂપિયા પ્રતિ લીટર પહોંચ્યો છે તો ડીઝલનો ભાવ 87.85 રૂપિયા પ્રતિ લીટર થતાં સ્થાનિકો ચિંતા અનુભવી રહ્યા છે.
રોજ સવારે 6 વાગે બદલાય છે પેટ્રોલ અને ડીઝલની કિંમતો
પેટ્રોલ અને ડીઝલની કિંમતો રોજ સવારે 6 વાગે નક્કી કરાય છે. સવારે 6 વાગ્યાથી નવી કિંમત લાગૂ કરાય છે. પેટ્રોલ અને ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય ચીજો જોડવાથી તેનો ભાવ બમણો થાય છે. વિદેશી મુદ્રાદરો સાથે આંતરરાષ્ટ્રિય બજારમાં ક્રૂડની કિંમત શું છે તેના આધારે રોજ પેટ્રોલ અને ડીઝલની કિંમતોમાં ફેરફાર કરાય છે.
આ રીતે ચેક કરો પેટ્રોલ અને ડીઝલની નવી કિંમતો
પેટ્રોલ-ડિઝલની કિંમત તમે SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.