પેટ્રોલ-ડીઝલના ભાવમાં ભડકો ભાવનગરમાં 83ને પાર થતાં જનતા ત્રાહિમામ

ભાવનગર: પેટ્રોલ-ડીઝલના ભાવમાં આજે ફરી ભાવ વધારો થયો છે. પેટ્રોલ-ડીઝલના ભાવમાં છેલ્લા એક મહિનાથી વધારો થઈ રહ્યો છે. ત્યારે આજે પેટ્રોલમાં 14 પૈસાનો વધારો થયો છે...જ્યારે ડીઝલના ભાવમાં 11 પૈસાનો વધારો થયો છે.

તો આ તરફ અમદાવાદમાં પેટ્રોલનો ભાવ 81.95 રૂપિયાએ પહોંચ્યો છે. જ્યારે ડીઝલનો ભાવ 79.53 રૂપિયાએ પહોંચ્યો છે. રાજ્યમાં પેટ્રોલનો ભાવ સૌથી વધુ ભાવનગરમાં છે.
 

Petrol & Diesel prices in #Delhi are Rs 82.86 per litre & Rs 74.12 per litre respectively. Petrol & Diesel prices in #Mumbai are Rs 90.22 per litre & Rs 78.69 per litre respectively. pic.twitter.com/hs3dbrwfq4

— ANI (@ANI) September 25 2018

ભાવનગરમાં પેટ્રોલનો ભાવ 83.06 રૂપિયા પ્રતિલીટર છે. છેલ્લા 23 દિવસમાં પેટ્રોલના ભાવમાં 4.28નો વધારો થયો છે. રાજ્યમાં મોટા ભાગના શહેરોમાં પેટ્રોલનો ભાવ 82 રૂપિયાએ પહોંચ્યો છે.

ઉલ્લેખનીય છે કે દેશમાં દિન પ્રતિદિન વધી રહેલા પેટ્રોલ અને ડીઝલના ભાવે સમામાન્ય વ્યક્તિનું બજેટ ખોરવી નાંખ્યુ છે. ત્યારે પેટ્રોલ અને ડીઝલના ભાવ વધારા સામે કોંગ્રેસ હવે રહી રહીને જાગી છે.

હવે કોંગ્રેસ દ્વારા આ ભાવ વધારા સામે વિરોધ કરવામાં આવી રહ્યો છે તેમ છતાં કેન્દ્ર સરકાર દ્વારા ભાવ ઘટાડાના કોઇ જ સંકેત આપવામાં આવ્યા નથી. પેટ્રોલ-ડીઝલના ભાવ પર સરકાર દ્વારા કિંમતો પર અંકુશ રખાતો હતો. જોકે હવે માર્કેટ વેલ્યુ પ્રમાણે પેટ્રોલ અને ડીઝલના ભાવમાં વધારો-ઘટાડો થઈ રહ્યો છે તેવું જોવા મળી રહ્યું છે.