પેટ્રોલની કિંમતમાં રવિવારે 12 પૈસા પ્રતિ લીટરનો ઘટાડો થયો છે. તો ડીઝલના ભાવમાં 14 પૈસાનો ઘટાડો નોંધાયો હતો. પેટ્રોલિયમ માર્કેટિંગ કંપનીઓએ વૈશ્વિક કિંમતોમાં થયેલ ઘટાડાને કારણે પેટ્રોલ-ડિઝલના ભાવમાં ઘટાડો કર્યો હતો.
પેટ્રોલ-ડીઝલના ભાવમાં ઘટાડો
પેટ્રોલમાં 12 પૈસા તથા ડીઝલના ભાવમાં 14 પૈસાનો ધટાડો
સરકારે 3 રૂપિયા વધારી છે એક્સાઇઝ ડ્યૂટી
સાર્વજનિક ક્ષેત્રની પેટ્રોલિયમ કંપનીઓની સુચના અનુસાર, દિલ્હીમાં હવે પેટ્રોલના ભાવ 69.75 રૂપિયા પ્રતિ લીટર અને ડિઝલના ભાવમા 62.44 રૂપિયા પ્રતિ લીટર થયાં હતા.
સરકારે લીધો નિર્ણય
ઉદ્યોગના સૂત્રોએ જણાવ્યું હતું કે પેટ્રોલ અને ડીઝલની કિંમતોમાં ઘટાડો વધુ હોત, પરંતુ સરકારે શનિવારે ઇંધણ પરની એક્સાઈઝ ડ્યુટીમાં પ્રતિ લિટર ત્રણ રૂપિયા વધારો કર્યો છે. પેટ્રોલિયમ કંપનીઓનું કહેવું છે કે તેઓ છૂટક ભાવ ઘટાડાને ઓછા રાખી રહ્યા છે કારણ કે તેમના પર એક્સાઈઝ ડ્યુટી વધારી દેવામાં આવી છે. આ કંપનીઓએ જણાવ્યું હતું કે તેમને મળતો નફો ભાવ વધારા સાથે સમાયોજિત કરવામાં આવ્યો છે. એક્સાઈઝ ડ્યુટીમાં વધારો થવાને કારણે આવું કરવું જરૂરી છે.
સરકારે એક્સાઇઝ વધારતા થશે ફાયદો
શનિવારે સરકારે પેટ્રોલ અને ડીઝલ પર એક્સાઇઝ ડ્યુટીમાં પ્રતિ લીટર ત્રણ રૂપિયા વધારો કરવાની જાહેરાત કરી હતી. તેનાથી સરકારને 39,000 કરોડ રૂપિયાની વધારાની આવક થશે. કેન્દ્રીય પરોક્ષ કર અને કસ્ટમ્સ બોર્ડ દ્વારા જાહેર કરાયેલા નોટિફિકેશન મુજબ પેટ્રોલ પર વિશેષ એક્સાઇઝ ડ્યુટી બે રૂપિયા વધારીને આઠ રૂપિયા પ્રતિ લીટર કરવામાં આવી છે. તે જ સમયે, ડીઝલ પરની આ ડ્યૂટી બે રૂપિયાથી ચાર રૂપિયા પ્રતિ લિટર વધી છે.
સરકારે એક્સાઇઝ ડ્યૂટી વધારી
પેટ્રોલ-ડીઝલના ભાવમાં ફરી વધારો થયો છે. પેટ્રોલ-ડીઝલ પરની એક્સાઇઝ ડ્યૂટી વધારાઇ છે. પેટ્રોલ-ડીઝલ પર પ્રતિ લિટર એક્સાઇઝ ડ્યૂટીમાં રૂ.3નો વધારો કરાયો છે. આર્થિક મંદી સહિતના વેશ્વિક પરિબળોના કારણે પેટ્રોલ ડીઝલના ભાવમાં સતત ઘટાડો થઇ રહ્યો હતો. જેને લઇ લોકોને રાહત થઇ હતી. જો કે સરકારે હવે એક્સાઇઝ ડ્યૂટીમાં વધારો કરતા ફરી મોટાભાગના રાજ્યોમાં પેટ્રોલ-ડીઝલના ભાવમાં વધારો થયો છે.
ક્રૂડ ઓઈલના ભાવમાં ઘટાડો
કોરોના વાયરસની અસર વૈશ્વિક બજાર પર જોવા મળી રહી છે. જેના કારણે હવે ક્રૂડ ઓઈલ માર્કેટ પર પણ અસર થઈ છે. ક્રૂડ ઓઈલના ભાવમાં જબરદસ્ત કડાકો થયો છે. ક્રૂડ ઓઈલના ભાવ ઘટતાં પેટ્રોલ-ડીઝલના ભાવ સસ્તા થયા છે. ક્રૂડ ઓઈલના ભાવની અસર પેટ્રોલ-ડીઝલના ભાવ પર પણ જોવા મળી રહી છે.