પેટ્રોલ અને ડીઝલના ભાવમાં આજે સતત પાંચમાં દિવસે વધારો જોવા મળ્યો છે, જોકે ડીઝલના ભાવમાં આજે કોઇ બદલાવ થયો નથી. છેલ્લા પાંચ દિવસમાં પાટનગર નવી દિલ્હીમાં પેટ્રોલ પ્રતિલિટર 75 પૈસા મોંઘું થઇ ગયું છે. રવિવારે જ દિલ્હીમાં પેટ્રોલમાં પ્રતિલિટરે 12 પૈસાનો વધારો ઝીંકાયો હતો. ઇન્ડિયન ઓઇલની વેબસાઇટ અનુસાર દિલ્હીમાં લગભગ દોઢ મહિના બાદ ફરીથી પેટ્રોલનો ભાવ પ્રતિલિટર 74 રૂપિયાને વટાવી ગયો છે.
દિલ્હી, મુંબઇ, કોલકાતા અને ચેન્નઇમાં પેટ્રોલના ભાવમાં વધારો
પેટ્રોલનો ભાવ પ્રતિલિટર 76ને વટાવી ગયો છે
દિલ્હીમાં પેટ્રોલ પ્રતિલિટર 75 પૈસા મોંઘું થઇ ગયું
દિલ્હી, મુંબઇ, કોલકાતા અને ચેન્નઇમાં આજે પેટ્રોલના ભાવ વધીને અનુક્રમે પ્રતિલિટર રૂ.74.05, રૂ.79.71, રૂ.76.74 અને રૂ.76.97 પર પહોંચી ગયા છે, જ્યારે ડીઝલના ભાવ અનુક્રમે પ્રતિલિટર રૂ. 65.79, રૂ.69.01, રૂ.68.20 અને રૂ. 69.54 પર પહોંચી ગયા છે. આમ, મુંબઇ, કોલકાતા અને ચેન્નઇમાં પેટ્રોલનો ભાવ પ્રતિલિટર 76ને વટાવી ગયો છે. આંતરરાષ્ટ્રીય બજારમાં બ્રેન્ટ ક્રૂડનો ભાવ 0.5 ટકા ઘટીને પ્રતિબેરલ 63.31 ડોલર રહ્યો હતો.