બજેટ બાદ આજે પેટ્રોલ અને ડીઝલના ભાવમાં ઘટાડો થયો છે. પેટ્રોલ ડીઝલમાં ભાવ ઘટાડાના કારણે લોકોને આશઁકિ રાહત મળી છે. જાણો કેટલો થયો પેટ્રોલનો ભાવ
કેન્દ્ર સરકારે તાજેતરમાં રજૂ કરેલા બજેટમાં પેટ્રોલ અને ડીઝલના ભાવમાં અંદાજે 2 રૂપિયાનો વધારાનો ટેક્સ લાગુ કરવામાં આવ્યો. બજેટના બીજા જ દિવસે પેટ્રોલ અને ડિઝલના ભાવમાં વધારો થયો હતો. પણ આજે પેટ્રોલ ડિઝલના ભાવમાં આંશિક ઘટાડા સાથે લોકોને પણ થોડી રાહત મળી છે. ઉલ્લેખનીય છે કે 5 જુલાઇએ રજૂ થયેલા મોદી સરકારના બીજા કાર્યકાળના પહેલા બજેટ નાણામંત્રી નિર્મલા સીતારમણે રજૂ કર્યું. બજેટ ભાષણ દરમિયાન નાણામંત્રીએ જણાવ્યું કે પેટ્રોલ અને ડીઝલ પર 1 રૂપિયા સેસ અને 1 રૂપિયા એક્સાઇઝ ડ્યૂટી લગાવવામાં આવી છે.
સેસ લાગુ થયા બાદ પહેલીવાર પેટ્રોલ અને ડિઝલના ભાવમાં ઘટાડો સામે આવ્યો છે. તેલ કંપનીઓએ દિલ્લીમાં ડિઝલના ભાવમાં પ્રતિ લીટરે 10 પૈસા, કોલકતામાં 6 પૈસા, મુંબઈ અને ચેન્નાઈમાં 11 પૈસાનો ઘટાડો કર્યો છે.
જ્યારે પેટ્રોલના ભાવની વાત કરવામાં આવે તો દિલ્લી અને ચેન્નાઈમાં પેટ્રોલના ભાવમાં પ્રતિ લીટરે 6 પૈસા, કોલકત્તામાં 3 પૈસા અને મુંબઈમાં 5 પૈસાનો ઘટાડો નોંધાયો છે. નાણાં મંત્રી નિર્મલા સીતારમને બજેટ રજૂ કર્યુ એના બીજા જ દિવસે પેટ્રોલ અને ડિઝલના ભાવમાં વધારો થયો હતો.
દેશની ઓયલ માર્કેટિંગ કંપની (HPCL, BPCL, IOC) દરરોજ પેટ્રોલ ડીઝલની કિંમતોની સમીક્ષા કરે છે. નવા ભાવ સવારે 6 વાગ્યાથી લાગૂ થાય છે. તમને જણાવી દઇએ કે કિંમતો નક્કી કરવા માટે 15 દિવસની સરેરાશ કિંમતને આધાર બનાવવામાં આવે છે. આ ઉપરાંત રૂપિયા અને ડૉલરના વિનિમય ભાવથી તેલની કિંમત પ્રભાવિત થાય છે.