બેઠક / પેટ્રોલ બાદ ડીઝલ પણ 100રૂ. ને પારઃ શું પેટ્રોલ-ડીઝલના ભાવ ઘટશે ? આજની બેઠકમાં લેવાઈ શકે છે મોટો નિર્ણય

• આજે પેટ્રોલિયમ મંત્રાલયની બેઠક
• પેટ્રોલ-ડીઝલના ભાવ વધારાનો મામલો
• પેટ્રોલિયમ કંપનીના અધિકારો સાથે બેઠક
• વધતા ભાવ અંગે થશે ચર્ચા

દેશમાં પેટ્રોલ બાદ ડીઝલના ભાવ પણ 100 રૂપિયાને પાર થયા છે. કોરોનાની બીજી લહેરના કહેર અને લોકડાઉનની વચ્ચે તેલની મોંઘવારીએ સામાન્ય માણસની કમર તોડી છે. આ સાથે પેટ્રોલ અને ડીઝલના ભાવ વધવાની આશા ઓછી જોવા મળી રહી છે. લોકોને રાહત આપવા માટે આજે વધતા ભાવને લઈને પાર્લિયામેન્ટ સ્ટેન્ડિંગ કમિટિની બેઠક થવાની છે.  

જાણો તમામ શહેરમાં આજના પેટ્રોલ અને ડીઝલના ભાવ

શહેરનું નામ    પેટ્રોલ રૂ/લિટર   ડીઝલ રૂ/લિટર

શ્રીગંગાનગર    107.79   100.51
અનૂપપુર        107.43     98.43
રીવા              107.05     98.09
પરભણી         103.92     94.46
ઇંદોર             104.92     96.14
જયપુર           103.29     96.38
દિલ્હી            96.66       87.41
મુંબઈ            102.82     94.84
ચેન્નઈ             97.91       92.04
કોલકત્તા         96.58       90.25
ભોપાલ          104.85     96.05
રાંચી              92.7     92.27
પટણા            98.73     92.72
લખનઉ         93.88     87.81

સોર્સ :IOC

તેલની કિંમતોમાં સતત વધારો થયો છે. જો કે ગુરુવારે એટલે કે આજે આ બંનેના ભાવમાં કોઈ ફેરફાર કરાયો નથી. બુધવારે પેટ્રોલ 25 પૈસા અને ડીઝલ 13 પૈસા મોંઘું કરાયું હતું. છેલ્લા 44 દિવસોમાં 25 વાર તેલની કિંમતોમાં વધારો કરાયો છે. રાજસ્થાના શ્રીગંગાનગરમાં બુધવારે પેટ્રોલ 107.79 રૂપિયા પ્રતિ લિટર અને ડીઝલ 100.51 રૂપિયા પ્રતિ લિટર રહ્યું હતું.  

આજે થશે પેટ્રોલિયમ મંત્રાલયની બેઠક
પેટ્રોલિયમ અને નેચરલ ગેસ મુદ્દે આજે સ્ટેન્ડિંગ કમિટીની બેઠક થશે, કમિટીએ પેટ્રોલિયમ મંત્રાલય અને IOC, BPCL અને HPCLના અધિકારીઓને બોલાવાયા છે. બેઠકમા કિંમત અને માર્કેટિંગના મુદ્દા અને સાથે નેચરલ ગેસની હાલની કિમતો અને માર્કેટિંગને લઈને ચર્ચા કરાશે. સાથે બેઠકમાં   GAIL ના અધિકારીઓને પણ બોલાવવામાં આવ્યા છે. 

અનેક શહેરોમાં પેટ્રોલ થયું 100 રૂપિયાને પાર
ઉલ્લેખનીય છે કે પેટ્રોલના વધતા ભાવને લઈને અનેક જગ્યાઓએ પેટ્રોલ 100 રૂપિયા પ્રતિ લિટરને પાર જોવા મળી રહ્યું છે. તેલની કિંમતોએ પહેલા મહારાષ્ટ્ર, મધ્યપ્રદેશ અને રાજસ્થાન, તેલંગાણા, આંધ્રપ્રદેશના કેટલાક શહેરોમાં 100 રૂપિયા પ્રતિ લિટરના નિશાનને પાર કરી લીધું છે. રાજધાનીમાં પેટ્રોલ   96.66 રૂ/ લિટર રહ્યું છે અને ડીઝલ 87.41 રૂ/ લિટર પહોંચી ગયું છે. બુધવારે મુંબઈમાં પણ પેટ્રોલના ભાવ 102.82 રૂ/લિટર રહ્યા તો ડીઝલની કિંમતો   94.84 રૂ/ લિટર રહી હતી. જે અન્ય મહાનગરો કરતા સૌથી વધારે છે.