પ્રતિક્રિયા / પોતાના વિરુદ્ધ SCમાં થઈ અરજી તો કંગનાએ કહ્યું, હું છું સૌથી શક્તિશાળી મહિલા

• કંગના અવાર-નવાર ધારદાર નિવેદનોને કારણે રહે છે ચર્ચામાં
• સુપ્રીમ કોર્ટમાં કંગનાની સામે એક અરજી દાખલ કરાઈ
• અરજી પર કંગના રનોતે આપી પ્રતિક્રિયા

કંગનાએ આપી પ્રતિક્રિયા

થોડા દિવસો પહેલા કંગનાનું 'ભીખમાં આઝાદીવાળાં' નિવેદનથી હોબાળો થયો હતો.  કંગના રનોતની સોશિયલ મીડિયા પોસ્ટને સેન્સર કરવાવાળા અહેવાલ પર કંગના રનોતે પણ પ્રતિક્રિયા આપી છે. કંગનાએ તેના પર હાસ્ય રેલાવતા કહ્યું, આ દેશની સૌથી તાકાતવર મહિલા.

કંગના વિરુદ્ધ સુપ્રીમ કોર્ટમાં અરજી કરાઈ દાખલ

ઉલ્લેખનીય છે કે, કંગનાની સામે આ અરજી વકીલ ચરનજીત સિંહ ચંદ્રપાલે કરી છે. આ અરજીમાં માંગ કરવામાં આવી છે કે ખેડૂત આંદોલનને લઇને આખા દેશમાં કંગનાની સામે કરવામાં આવેલી FIRને પણ ખાર પોલીસ સ્ટેશન, મુંબઈમાં ટ્રાન્સફર કરવાની સાથે 6 મહિનામાં ચાર્જશીટ ફાઈલ કરવામાં આવે. આ સાથે 2 વર્ષની અંદર ટ્રાયલ પૂર્ણ કરવાની ડિમાન્ડ પણ કરવામાં આવી છે.

 

 

 

 

View this post on Instagram

 

 

 

 

 

 

 

 

 

 

 

A post shared by Kangana Thalaivii (@kanganaranaut)

કંગનાના નિવેદનથી થઈ શકે છે રમખાણો

આ અરજીમાં ચરણજીતનું કહેવુ છે, કંગનાનું નિવેદન અપમાનજનક છે. જેને પગલે રમખાણો થઇ શકે છે. આ સાથે ધાર્મિક ભાવનાઓને ક્ષતિ પહોંચી શકે છે. કંગનાનું નિવેદન દેશની એકતાને ખંડિત કરનારું છે. તેથી કંગનાને કાયદા હેઠળ સજા મળવી જોઈએ. અરજીમાં ગૃહ મંત્રાલય, માહિતી ટેકનોલોજી અને પ્રસારણ મંત્રાલય અને TRAI ને પણ કંગના પર પ્રતિબંધ લગાવવા માટે નિર્દેશ આપવાની અપીલ કરવામાં આવી છે.