અનોખો પ્રેમ! / VIDEO: ચાલુ મેચમાં બોલરે કેપ્ટનને કરી કિસ, વીડિયોએ સોશ્યલ મીડિયામાં લગાવી 'આગ'

ઓસ્ટ્રેલિયામાં આ વખતે એશિઝ અને બિગ બેશ લીગ રમાઈ રહી છે અને તેમાં રોજ નવી નવી ઘટનાઓ બનતી રહે છે જેના કારણે ક્રિકેટ જગતનું ધ્યાન ખેંચાયેલું રહે છે. 

તાજેતરમાં એક એવી ઘટના બની હતી જેણે સોશ્યલ મીડિયામાં તોફાન મચાવી દીધું હતું. એડિલેડ સ્ટ્રાઇકર્સ અને સિડની સિક્સર્સની મેચ દરમિયાન આઅ ઘટના બની હતી. 

કેપ્ટન પીટર સિડલે પોતાના બોલરને એક અલગ જ રીતે કીસ કરી લીધી હતી જેના પગલે સોશ્યલ મીડિયામાં સૌનું ધ્યાન ખેંચાયું હતું. 

કેપ્ટને કિસ કરી લીધી 
બિગ બેશ લીગ (BBL) હાલમાં ઓસ્ટ્રેલિયામાં રમાઈ રહી છે. એડિલેડ સ્ટ્રાઈકર્સનો સામનો સિડની સિક્સર્સ સામે થયો હતો. લાઈવ મેચ દરમિયાન એક એવો નજારો જોવા મળ્યો, જેના લોકો સોશિયલ મીડિયા પર જોરદાર વખાણ કરી રહ્યા છે. 

Lots of love at @StrikersBBL 😘 #BBL11 pic.twitter.com/3pZg8RjkRy

— 7Cricket (@7Cricket) December 21, 2021

પ્રથમ બેટિંગ કરતા એડિલેડ સ્ટ્રાઈકર્સની ટીમે 147 રન બનાવ્યા હતા. લક્ષ્યનો પીછો કરવા ઉતરેલી સિડનીની ટીમની શરૂઆત ખૂબ જ ખરાબ રહી હતી. એડિલેડના કેપ્ટન પીટર સિડલે પ્રથમ ઓવર બોલર ડેનિયલ વોરલને ફેંકી હતી. ઓવરો દરમિયાન બંને વચ્ચે જોરદાર જુગલબંધી જોવા મળી હતી. પીટર ડેનિયલને તેના ગાલ પર કિસ કરતો જોવા મળ્યો હતો. તેનો વીડિયો સોશિયલ મીડિયા પર વાયરલ થઈ રહ્યો છે.

વીડિયો સોશિયલ મીડિયા પર વાયરલ 

પીટર સિડલે લાઈવ મેચ દરમિયાન પોતાના સાથી બોલર ડેનિયલ વોરેલને કિસ કરી હતી, ત્યારબાદ બંને મસ્તી કરતા જોવા મળ્યા હતા. તેનો વીડિયો સોશિયલ મીડિયા પર વાયરલ થઈ રહ્યો છે. ચાહકોને આ વીડિયો ખૂબ જ પસંદ આવી રહ્યો છે. 
એક યુઝરે લખ્યું કે કેપ્ટન પોતાના બોલરને પ્રોત્સાહિત કરવા માટે આવું કરી રહ્યો છે. તે જ સમયે અન્ય એક યુઝરે લખ્યું કે આ એક અલગ પ્રકારનો પ્રેમ છે.

આખરે જો કે સિડનીની ટીમ જીતી ગઈ હતી અને સિડલ અને વોરેલ બંને ધોવાયા હતા જેના કારણે તેમની ટીમ હારી ગઈ હતી.