પાકિસ્તાનના પૂર્વ રાષ્ટ્રપતિ પરવેઝ મુશર્રફને મોતની સજાનું એલાન કરવામાં આવ્યું છે. પાકિસ્તાનના ઇતિહાસમાં પહેલી વખત પેશાવર હાઇકોર્ટ ના ચીફ જસ્ટિસ વકાર અહેમદ સેઠની અધ્યક્ષતામાં વિશેષ કોર્ટેની ત્રણ ખંડપીઠે મોતની સજા સંભળાવી છે.
હાલમાં પરવેજ મુશર્રફ દુબઇમાં છે. 3 નવેમ્બર, 2007માં ઇમરજન્સી સ્થિતિ માટે પરવેજ મુશર્રફ પર ડિસેમ્બર 2013માં રાજદ્રોહનો કેસ દાખલ કરવામાં આવ્યો હતો. પરવેજ મુશર્રફને 31 માર્ચ 2014માં દોષિત જાહેર કરાયા હતા.
A special court hands death penalty to former Pakistani military dictator Pervez Musharraf in high treason case: Pakistan Media (file pic) pic.twitter.com/8V3j7uAyZI
આ અગાઉ પાકિસ્તાનના પૂર્વ રાષ્ટ્રપતિ પરવેઝ મુશર્રફને લાહોર ઉચ્ચ હાઇકોર્ટ (LHC) માં એક અરજી દાખલ કરી ઇસ્લામાબાદની એક વિશેષ કોર્ટ સમક્ષ કેસની પેન્ડ઼િંગ એકશન પર રોક લગાવાનો આગ્રહ કરવામાં આવ્યો હતો. પરવેઝ મુશર્રફ વિરુધ્ધ રાજદ્રોહ કેસનો મામલો છે.
મીડિયાના સૂત્રો પાસેથી મળતી જાણકારી મુજબ વકીલો - ખ્વાજા અહમદ તારિક રહીમ અને અઝહર સિદ્દીકી તરફતી દાખલ અરજીમાં LHC ની વિશેષ કોર્ટેમાં કાર્યવાહી આગળ વધારવા ત્યાં સુધી રોક લગાવાવા કહેવામાં આવ્યું જ્યાં સુધી LHCની તરફથી મુશર્રફની જૂની પેન્ડિંગ અરજી પર નિર્ણય આવતો નથી.