પાકિસ્તાનના પૂર્વ રાષ્ટ્રપતિ અને તાનાશાહ પરવેઝ મુશર્રફનો એક વીડિયો લીક થયો છે. જેમાં કથિત રીતે તેઓ સત્તા મેળવવા માટે અમેરિકા પાસે ખાનગી મદદ માગી રહ્યા છે. આ સાથે તેઓ અમેરિકા સાંસદો સાથે વાતચીત કરતા નજરે પડે છે કે એ વાતનો પસ્તાવો છે કે ISIના અલકાયદા આકા ઓસામા બિન લાદેનની જગ્યાની શોધખોળ કરવામાં તેમનું વલણ ઉપેક્ષાપૂર્ણ રહ્યું.
જો કે હજુ સુધી એ વાત સ્પષ્ટ નથી થઈ કે આ વીડિયો ક્યારનો છે. વીટીવી પણ આ વીડિયોની પુષ્ટિ કરતુ નથી. પાકિસ્તાનના અસંતુષ્ટ પત્રકાર ગુલ બુખારી દ્વારા આ વીડિયો પોસ્ટ કરવામાં આવ્યો છે.
વીડિયોમાં પૂર્વ રાષ્ટ્રપતિ કહી રહ્યા છે કે તેઓની ISIની ઉપેક્ષા માફ કરવા લાયક નથી. કારણકે CIAનું પણ 9/11 પર આ રીતનું ઉપેક્ષાપૂર્ણ વલણ રહ્યું હતું. ઉલ્લેખનીય છે કે મુશર્રફ મહાભિયોગથી બચવા માટે રાજીનામુ આપ્યુ તે પહેલા વર્ષ 2001થી 2008 સુધી પાકિસ્તાનના રાષ્ટ્રપતિ હતા.
આપને જણાવી દઇએ કે પાકિસ્તાનના પૂર્વ રાષ્ટ્રપતિ પરવેઝ મુશર્રફ મહાભિયોગથી બચવા માટે રાજીનામું આપતા પહેલાં 2001થી 2008 સુધી પાકિસ્તાનના પ્રેસિડન્ટ હતા. જો કે ત્યારબાદ માર્ચ 2016થી દુબઇમાં રહે છે. તેઓએ સુરક્ષા અને સ્વાસ્થ્યના કારણો આપીને દેશ છોડી દીધો અને ત્યારથી તેઓ પાકિસ્તાન પરત નથી ફર્યા.
આ સાથે જ 2007માં પાકિસ્તાનના બંધારણનો ભંગ કરવા બદલ દેશદ્રોહના કેસનો સામનો કરી રહ્યા છે અને હાલ દુબઇમાં જ સ્થિર થયેલા છે. ત્યારે આ પ્રકારનો એક VIDEO વાયરલ થતાં હડકંપ મચી જવા પામ્યો છે. પરંતુ આ VIDEO ક્યારે તૈયાર થયેલો તે અંગે હજી સુધી જાણકારી પ્રાપ્ત થઇ શકી નથી.