ગાઝિયાબાદમાં પત્ની સાથે વિવાદ થવા પર એક યુવકે બાલ્કની પરથી કૂદીને આત્મહત્યા કરવાનો પ્રયાસ કર્યો હતો, પરંતુ પાડીશીઓ દ્વારા તેને બચાવી લેવામાં આવ્યો.
પત્ની સાથે વિવાદ થવાથી યુવકે કર્યો આત્મહત્યા કરવાનો પ્રયત્ન
બાલ્કની પરથી કૂદવાની કરી કોશિશ
પાડીશીઓએ બચાવ્યો જીવ
પત્ની સાથે વિવાદ થવાથી યુવકે કર્યો આત્મહત્યા કરવાનો પ્રયત્ન
દિલ્હીને અડીને આવેલા ગાઝિયાબાદના લોની વિસ્તારનો એક વીડિયો વાયરલ થઈ રહ્યો છે જેમાં એક વ્યક્તિ બાલ્કનીમાંથી કૂદીને આત્મહત્યા કરવાનો પ્રયાસ કરી રહ્યો છે અને અમુક લોકો બાલ્કની પર તે વ્યક્તિનો જીવ બચાવવામાં લાગેલા છે. ઘણી મહેનત બાદ તે વ્યક્તિનો જીવ બચાવવામાં આવ્યો. આ વીડિયો સોશિયલ મીડિયામાં વાયરલ થઇ રહ્યો છે. આ વીડિયો વિષે જાણકારી મળી કે આ વીડિયો લોની ક્ષેત્રની ઇકરામ નગર કોલોનીનો છે. ત્યાં એક યુવક પોતાની પત્ની સાથે વિવાદ થવા પર મકાનની બાલ્કની પરથી કૂદીને આત્મહત્યા કરવાનો પ્રયત્ન કરી રહ્યો હતો.
It's serious...
After a quarrel with wife, a man tried to commit suicide by hanging himself from balcony. Meanwhile, people pulled him up and saved him.
યુવક જેવો બાલ્કનીની ગ્રિલ પર લટક્યો એટલે પત્નીએ અવાજ કર્યો અને આસપાસનાં લોકો સ્થળ પર એકઠા થઇ ગયા અને ઘણી મહેનત બાદ તે વ્યક્તિને પકડીને ઉપર તરફ ખેંચ્યો. જે પ્રકારના દ્રશ્યો આ વીડિયોમાં જોવા મળી રહ્યા છે, તેનાંથી સ્પષ્ટ થાય છે કે ભલે તે યુવક પોતાની પત્ની સાથે વિવાદ થવાથી આત્મહત્યાનો પ્રયત્ન કરી રહ્યો હોય, પરંતુ પાડોશીઓની સતર્કતાને કારણે તે યુવકનો જીવ બચાવી લેવામાં આવ્યો. ત્યાર બાદ ત્યાં હાજર લોકોએ રાહતનો શ્વાસ લીધો. આ દરમિયાન પાસેનાં કોઈ વ્યક્તિએ આ વીડિયો બનાવી લીધો અને હવે આ વીડિયો સોશિયલ મીડિયા પર વાયરલ થઇ રહ્યો છે.
પાડીશીઓએ બચાવ્યો જીવ
આ વીડિયોમાં સ્પષ્ટ જોઈ શકાય છે કે એક મકાનની બાલ્કનીની ગ્રિલ પર એજ યુવક લટકાયો છે અને તે નીચે કૂદવાની કોશિશ કરી રહ્યો છે. પરંતુ જયારે તેની પત્નીએ અવાજ કર્યો તો નીચે તરફ પણ મોટી સંખ્યામાં લોકો એકત્ર થઇ ગયા અને તેને બચાવવાનો પ્રયત્ન કરવા લાગ્યા હતા. આ દરમિયાન બાલ્કની પર પણ લોકો પહોંચી ગયા અને ઘણી મહેનત બાદ તેને બચાવી લેવામાં આવ્યો.