મહામારી / મોટી રાહત ! યુપીની પાંચ વર્ષની છોકરીનો મંકિપોક્સનો ટેસ્ટ નેગેટિવ, છતાં કાચું ન કપાય તે માટે જુઓ શું કર્યુ

• દુનિયામાં મંકિપોક્સના ખતરાની વચ્ચે ભારતમાં રાહતની ખબર
• યુપીના ગાઝિયાબાદમાં મંકિપોક્સનો સંદિગ્ધ કેસ નેગેટિવ આવ્યો
• સંદિગ્ધ છોકરીના સેમ્પલ હવે પુણેની વાયરોલોજી ઈન્સ્ટીટ્યુટમાં મોકલાયા
• 4 જુને ગાઝિયાબાદની બાળકીમાં મંકિપોક્સ જેવા લક્ષણો જોવા મળ્યાં હતા 

ગાઝિયાબાદની પાંચ વર્ષની બાળકીનો મંકિપોક્સનો ટેસ્ટ નેગેટિવ આવતા તંત્રે મોટો હાશકારો લીધો છે. 4 જૂને આ બાળકીમાં મંકિપોક્સ જેવા લક્ષણો જોવા મળતા ફફડાટ વ્યાપ્યો હતો અને તાત્કાલિક બાળકીના સેમ્પલ ટેસ્ટિંગ માટે મોકલાયા હતા પરંતુ હવે બાળકીનો ટેસ્ટ નેગેટિવ આવ્યો છે 

The suspected case of monkeypox from UP's Ghaziabad has tested negative, the sample was sent for testing to ICMR - National Institute of Virology in Pune: Sources to ANI pic.twitter.com/JQTjIXgyPm

— ANI (@ANI) June 7, 2022

છોકરીના સેમ્પલ પુણેના વાયરોલોજી ઈન્સ્ટીટ્યુટમાં મોકલાયા

ગાઝિયાબાદની પાંચ વર્ષની બાળકીનો મંકિપોક્સનો ટેસ્ટ નેગેટિવ આવ્યો છે પરંતુ કંઈ કાચુ ન કપાયું તે માટે ઓથોરિટી એલર્ટ પર છે. વહિવટી તંત્ર દ્વારા બાળકીના સેમ્પલ પુણેની વાયરોલોજી સંસ્થામાં ટેસ્ટીંગ માટે મોકલાયા છે જેથી કરીને પાકી પુષ્ટિ થઈ શકે. વાયરોલોજી સંસ્થામાં બાળકીના સેમ્પલની ફરી તપાસ થશે

4 જુને ગાઝિયાબાદની બાળકીમાં મંકિપોક્સ જેવા લક્ષણો જોવા મળ્યાં હતા 
 ગાઝિયાબાદમાં સ્વાસ્થ્ય વિભાગ દ્વારા પુષ્ટિ કરવામાં આવી છે કે એક પાંચ વર્ષની બાળકીને મંકીપોકસ વાયરસ માટે શંકાસ્પદ લક્ષણો જણાતા ટેસ્ટિંગ માટે સેમ્પલ્સ મોકલવામાં આવ્યા છે. એક ક્લિનિક દ્વારા જણાવવામાં આવ્યું હતું કે એક બાળકીને મંકીપોકસના લક્ષણો ને મળતા આવતા લક્ષણો જોવા મળ્યા છે બાદમાં તેના સેમ્પલ્સ પ્રિકોશનરી એટલે બચાવરૂપ પગલાંના ભાગરૂપે લેવામાં આવ્યા છે અને ટેસ્ટિંગ માટે મોકલવામાં આવ્યા છે.

પરિવારજનોને આઇસોલેટ કરવામાં આવ્યા

બાળકીના પરિવારજનોને આઇસોલેટ કરવામાં આવ્યા છે અને રિપોર્ટ્સનું રિઝલ્ટ ન આવી જાય ત્યાં સુધી તેઓને અલગ જ રહેવા માટે જણાવવામાં આવ્યું છે. આગળના બનતા પગલાં લેવા માટે આરોગ્ય વિભાગના અધિકારીઓ પણ સજ્જ થઈ ગયા છે.

સ્કીન પર ખરાબ રીતે ખંજવાળ અને ડાઘ

સ્વાસ્થ્ય વિભાગના અધિકારીઓ દ્વારા જણાવવામાં આવ્યું છે કે ગાઝિયાબાદમાં આ માઇનોર બાળકીને ENT ક્લિનિકમાં એક્ઝામિનેશન માટે લઇ જવામાં આવી હતી અને સાંભળવાની તકલીફને લઈને 23 મે ના દિવસે આ માટે ગઈ હતી. ડોક્ટરે પરીક્ષણ કર્યા બાદ તુરંત ઉપરના સ્તરના અધિકારીઓને માહિતી આપી હતી કે બાળકીને સ્કીન પર ખરાબ રીતે ખંજવાળ અને ડાઘ જોવા મળ્યા છે.