સીએમ યોગી આદિત્યનાથને ત્રણ દિવસની અંદર બે વાર જાનથી મારી નાખવાની ધમકી આપવામાં આવી હતી. 8 ઓગસ્ટ પહેલા સીએમને 2 ઓગસ્ટે ધમકીઓ પણ મળી હતી.
યોગી આદિત્યનાથને ઉડાવી દેવાની ધમકી
ધમકી આપવાના આરોપમાં એક વ્યક્તિની ધરપકડ
દેવેન્દ્ર તિવારીના ઘરેથી મળ્યો હતો ધમકીભર્યો પત્ર
ઉત્તર પ્રદેશના મુખ્યમંત્રી યોગી આદિત્યનાથને ઉડાવી દેવાની ધમકી આપવાના આરોપમાં એક વ્યક્તિની ધરપકડ કરવામાં આવી છે. લખનઉ સાયબર સેલે આરોપી સરફરાઝની રાજસ્થાનના ભરતપુરથી ધરપકડ કરી હતી. યુપી 112ના વોટ્સએપ નંબર પર આરોપીઓએ સીએમ યોગીને ધમકી આપી હતી. આ મામલે સુશાંત ગોલ્ફ સિટી પોલીસ સ્ટેશનમાં ફરિયાદ નોંધાવવામાં આવી હતી.
Uttar Pradesh | A youth named Sarfaraz has been arrested for threatening CM Yogi Adityanath. He has been arrested from Rajasthan's Bharatpur after he threatened to blow up CM Yogi Adityanath: Lucknow Police
આ અગાઉ પણ ધમકીઓ મળી
તમને જણાવી દઈએ કે સીએમ યોગી આદિત્યનાથને ત્રણ દિવસની અંદર બે વાર જાનથી મારી નાખવાની ધમકી આપવામાં આવી હતી. 8 ઓગસ્ટ પહેલા સીએમને 2 ઓગસ્ટે ધમકીઓ પણ મળી હતી. વળી, યુપી ચૂંટણી પહેલા તેમને બોમ્બથી ઉડાવી દેવાની ધમકી મળી હતી. જો કે ગોરખપુર પોલીસે આરોપીની ધરપકડ કરી લીધી હતી.
દેવેન્દ્ર તિવારીના ઘરેથી મળ્યો ધમકીભર્યો પત્ર
એટલું જ નહીં આદિત્યનાથને શનિવારે એટલે કે 13 ઓગસ્ટના રોજ પણ બોમ્બથી ઉડાવી દેવાની ધમકી મળી હતી. લખનઉના આલમબાગ વિસ્તારમાં રહેતા દેવેન્દ્ર તિવારીના ઘરે એક બેગમાંથી એક ધમકીભર્યો પત્ર મળી આવ્યો હતો, જેમાં એવું કહેવામાં આવ્યું હતું કે મુખ્યમંત્રી યોગી અને દેવેન્દ્ર તિવારીને બોમ્બથી ઉડાવી દેવાની વાત કહી હતી. ત્યાર બાદ પોલીસ વિભાગમાં ખળભળાટ મચી જવા પામ્યો છે.