વલસાડના મગોદ ગામે અસામાજિક તત્વોએ યુવાન પર કાર ચડાવી દેતા યુવકને ઇજા થવા પામી હતી. જે ઘટના CCTVમાં કેદ થઇ હતી.
વલસાડના મગોદ ગામે તોફાની તત્વો બન્યા બેફામ
માથાભારે શખ્સે એક યુવક પર ચડાવી દીધી કાર
મંડપ ખોલવાને કારણે રસ્તો બંધ હોવા બાબતે થઈ હતી બબાલ
વલસાડમાં આરોપીઓમાંથી પોલીસનો ડર હવે ઓસરી રહ્યો હોય તેવા અનેક કિસ્સાઓ સામે આવી રહ્યા છે. તેવામાં વલસાડના મગોદ ગામે તોફાની તત્વો બેફામ બન્યા હોવાની ઘટના સામે આવી છે. જેમાં મંડપ ખોલવાની કામગીરી ચાલતી હોવાથી પસાર થવાનો રસ્તો બંધ હતો. આ વેળાએ કાર લઈને આવેલ શખ્સ અને યુવાન વચ્ચે બબાલ થઇ હતી. યુવાને કારસવાર શખ્સને અન્ય રસ્તેથી જવાનું કહ્યું હતું જે આરોપીને પસંદ ન આવ આવતા મામલો ગરમાયો હતો.
ઈજાગ્રસ્ત યુવકને સારવાર માટે હોસ્પિટલ ખસેડાયા
આ દરમિયાન ઉશ્કેરાઇ ગયેલા માથાભારે શખ્સે એક યુવક પર કાર ચડાવી દીધી હતી. જેને લઈને દેકારો બોલી ગયો હતો. કાર ચાલક આરોપીએ બેફામ બનીને યુવાનને ઠોકરે લેતા યુવાનને ગંભીર ઇજા થવા પામી હતી. આથી ઈજાગ્રસ્ત યુવકને સારવાર માટે તાત્કાલિક હોસ્પિટલ ખસેડવામાં આવ્યો હતો. આ સમગ્ર ઘટનાના CCTV ફુટેજ આવ્યા સામે આવતા ફાટીને ધુમાડે ગયેલા આરોપી સામે લોકોમાં રોષ જોવા મળી રહ્યો છે.
ગઇકાલે સુરતમાં સામે આવી હતી તોડફોડની ઘટના
ઉલ્લેખનીય છે કે સુરતમાં પણ અસામાજિક તત્વોનો આંતક આસમાને છે. જ્યાં લુખ્ખાતત્વોને કાયદાનો ડર જ ન તેમ રૂપિયા માટે જાહેરમાં લોકોના ઘરમાં કે દુકાનમાં ઘૂસી રૌફ જમાવતા હોય છે. ત્યારે ડીંડોલી વિસ્તારમાં ગઈકાલે ચાની દુકાન પર અસામાજિક તત્વોએ લાકડાના ધોકા દ્વારા દુકાનમાં તોડફોડ કરી હતી. પહેલા માથા ફૂટ બાદ ઉગ્ર બબાલ થઈ હતી ત્યાર બાદ ચાની દુકાનમાં તોડફોડ કરી હતી. આવી ઘટના અવાર નવાર બનતી જાય છે પણ પોલીસ તંત્ર ગાઢ નિંદ્રામાં હોય તેવું લાગી રહ્યું છે.