OMG / સમોસા સાથે વાટકો ચમચી ન મળ્યા તો સીધી CM હેલ્પલાઈનમાં કરી દીધી ફરિયાદ, તરત જ કરવામાં આવી કાર્યવાહી

• સમોસા સાથે વાટકી, ચમચી ન મળવા સીએમ હેલ્પલાઈનમાં કરી ફરિયાદ 
• જાણ્યા - અજાણ્યામાં ભૂલ થઇ ગઈ હશે - દુકાનદાર 
• મધ્યપ્રદેશની ઘટના

સમોસા સાથે વાટકી, ચમચી ન મળવા સીએમ હેલ્પલાઈનમાં કરી ફરિયાદ 

મધ્યપ્રદેશના છતરપુર જીલ્લામાં સમોસા વહેંચનારની સીએમ હેલ્પલાઈનમાં ફરિયાદ કરવાનો મામલો સામે આવ્યો છે. સંબંધિત વિભાગના અધિકારીઓને મામલાની જાણકારી મળી તો હડકંપ મચી ગઈ અને કાર્યવાહી પણ થવા લાગી. આ મામલા અને જાગરુક ગ્રાહકની ચર્ચા હવે આખા શહેરમાં આથી રહી છે. દરેક વ્યક્તિ આ જાગરુક ગ્રાહકનાં વખાણ કરી રહી છે પણ અમૂક લોકો તેને નાટકીય પણ કહી રહ્યા છે. 

જાણ્યા - અજાણ્યામાં ભૂલ થઇ ગઈ હશે - દુકાનદાર 

મામલો છતરપુર શહરેના મુખ્ય બસસ્ટેન્ડનો છે, જ્યાં રાકેશ સમોસાની દુકાન છે. આ જ દુકાનમાંથી ગ્રાહક વંશ બહાદુરે સમોસા ખરીદીને પેક કરવાનો ઓર્ડર કર્યો હતો, જ્યાં પૈસા ચૂકવ્યા બાદ સમોસા સાથે વાટકી, ચમચી, ચટણી ન મળવા પર ગ્રાહકે દુકાનનાં નોકર પાસેથી આ માંગણી કરી, પણ તેને મનાઈ કરવામાં આવી, જેથી આ પ્રકારના ખોટા વ્યવહારથી નારાજ ગ્રાહકે સીએમ હેલ્પલાઇનમાં ફરિયાદ દાખલ કરાવી છે. 

મધ્યપ્રદેશની ઘટના

મામલાને લઈને જ્યારે ફરિયાદકર્તા સાથે વાત કરવામાં આવી, તો તેણે સ્વીકાર કર્યું અને કહ્યું કે જો દુકાનદાર પોતાની ભૂલ સ્વીકારે છે તો હું ફરિયાદ પાછી લઇ લઈશ. જ્યારે હવે દુકાનદાર કહે છે કે જાણ્યા-અજાણ્યામાં ભૂલ થઇ ગઈ હશે અથવા તે સમયે ચમચી નહીં હોય અથવા કર્મચારીએ ના પાડી દીધી હશે. અમે ભૂલ સુધારીશું. મામલામાં અમે એડીએમ પ્રતાપ સિંહ સાથે વાત કરી તો તેમનું કહેવું છે કે મને આ વિષે કોઈ જ જાણકારી નથી. તપાસ કરીને મામલો શું છે એ જણાવું છું.