ધીરે ધીરે લોકોને ઉજવણીના બહાના જ જોઈતા હોય તેમ છાશવારે પાર્ટીઓ કરવાનો નવી પેઢીમાં એક ટ્રેન્ડ જોવા મળી રહ્યો છે વળી ગુજરાતમાં દારૂબંધી હોવા છતાં 25 ડિસેમ્બરથી 31મી ડિસેમ્બર સુધી નવા વર્ષની ઉજવણીને બહાને પરમીટવાળા અને પરમીટ વગરના તમામ લોકો દારૂબંધીને ફગાવીને કાયદાની ઐસીકી તૈસી કરી નાંખતા હોય છે ત્યારે ગુજરાત સરકાર દ્વારા એક મહત્વનો નિર્ણય લેવામાં આવ્યો છે. અમદાવાદમાં 12 જિલ્લામાં 27થી 31મી ડિસેમ્બર સુધી પરમિટ ધારકોને પણ દારૂ નહીં મળે.
27થી 31 ડિસેમ્બર સુધી લિકરની દુકાન રહેશે બંધ
જિલ્લા-તાલુકા પંચાયતોની પેટાચૂંટણીને લઈને નિર્ણય
સ્થાનિક સ્વરાજની ચૂંટણીને લઈને સરકારનો પરિપત્ર
અમદાવાદમાં 12 સહિત જિલ્લાની તમામ લિકર શોપ્સ બંધ રહેશે
અમદાવાદમાં લિકર પરમિટ ધારકો માટે સરકાર દ્વારા મહત્વનો નિર્ણય લેવામાં આવ્યો છે. અમદાવાદ સહિત 12 જિલ્લાઓમાં 27થી 31 ડિસેમ્બર સુધી લિકરની દુકાન બંધ રાખવાનો નિર્ણય લેવાયો છે. જિલ્લા અને તાલુકા પંચાયતની પેટાચૂંટણી હોવાના કારણે સરકાર દ્વારા પરિપત્ર જાહેર કરાયો છે. આ પરિપત્ર બાદ હવે રાજ્યના 12 જિલ્લાઓમાં તમામ લિકરની દુકાન બંધ રહેશે. દુકાન બંધ હોવાના કારણે વિદેશથી આવેલા પણ લિકરથી વંચિત રહેશે.
છેલ્લા પાંચ વર્ષમાં પરમીટ બમણી
રાજ્યમાં દારૂ વેચાણનો મામલો વધુને વધુ ઉગ્ર બની રહ્યો છે. સરકારે આપેલ દારૂની પરમિશનના આંકડા આવ્યા સામે આવ્યા છે. છેલ્લા 5 વર્ષમાં દારૂની પરમીટમાં બમણો વધારો થયો છે. છેલ્લા 5 વર્ષમાં દારૂની પરમીટ 2644થી 4078 પર પહોંચી ગઈ છે.
દારૂની પરમીટ આપવામાં પણ લહાણી
રાજયમાં હેલ્થ આધારે પરમીટ મેળવનારાની સંખ્યા 38,293એ પહોંચી છે. જે વર્ષ 2011માં 22,221 હતી. આજે એક્સસર્વિસમેન ઉપરાંત હેલ્થ આધારે દારૂની પરમીટધારકોની સંખ્યા 57,693 છે. 1591 જણાંએ હંગામી પરમીટ મેળવી હતી. 4225 જણાંએ વિઝિટર પરમીટ મેળવી હતી. આ આંકડા વિધાનસભામાં ખુદ સરકારે જાહેર કર્યા હતા.
રાજ્યમાં કુલ 66 હોટેલને દારૂ વેચવાનો પરવાનો
હાલ રાજ્યની કુલ 66 હોટેલો હાલના સમયે દારૂ વેચી રહી છે નવી 31 હોટેલને દારૂ વેચવાની પરવાનગી અપાઇ છે. 2017-18માં 4078 દારૂની પરમીટ આપવામાં આવી છે. ગુજરાત સરકારના નશાબંધી અને આબકારી ખાતાની વેબસાઈટ ઉપર 3જી ઓગસ્ટ 2019 સુધીમાં ગુજરાતની 66 હોટેલને વિદેશી દારૂ વેચવાનો પરવાનો આપ્યો હોવાની માહિતી છે.