આજકાલ પરફ્યૂમ લગાવવું એક જરૂરિયાત બની ગયું છે. લાંબા સમય સુધી તેની ફ્રેગ્રેન્સ જાળવી રાખવા માટે લોકો હાથના કાંડા પર, ગળા પર, અંડરઆર્મ્સ પર પણ પરફ્યૂમ લગાવે છે. પણ શું તમે તેના નુકસાન જાણો છો. જી હાં, શરીરના કેટલાક ભાગ પર પરફ્યૂમ લગાવવું નુકસાનકારક હોઈ શકે છે. તો ચાલો જાણી લો શરીરના કયા ભાગ પર પરફ્યૂમ ન લગાવવું જોઈએ અને શું છે તેના નુકસાન.
શરીરના આ ભાગ પર ક્યારેય ન લગાવતા પરફ્યૂમ
અંડરઆર્મ્સ
અંડરઆર્મ્સ પર ક્યારેય ડાયરેક્ટ પરફ્યૂમ લગાવવું નહીં, ત્યાંની સ્કિન બહુ જ સેન્સિટિવ હોય છે. જે પરફ્યૂમ લગાવવા પર કાળી પડવા લાગે છે અને તેના કારણે ઘણીવાર રેશિઝ, ખુજલી અને બળતરાની સમસ્યા પણ થાય છે.
પ્રાઈવેટ પાર્ટની આસપાસ
ઘણી છોકરીઓ જ્યારે શોર્ટ્સ અથવા લેગ રિવિલિંગ ડ્રેસ પહેરે છે ત્યારે જાંઘની આસપાસ પરફ્યૂમ લગાવે છે. પણ આવું બિલ્કુલ ન કરવું, કારણ કે તેનાથી પ્રાઈવેટ પાર્ટની આસપાસ રેશિઝ, ખુજલી, બળતરા અને ઈન્ફેક્શનની સમસ્યા પણ થઈ શકે છે.
હાથ પર લગાવીને ઘસવું નહીં
પરફ્યૂમની ફ્રેગ્રેન્સ લાંબા સમય સુધી જાળવી રાખવા માટે ઘણાં લોકો તેને હાથ પર લગાવીને ઘસે છે. આવું કરવાથી તેની સ્મેલ વધતી નથી પણ ઘટે છે. સાથે જ સ્કિન ઈરિટેશનનો પ્રોબ્લેમ પણ થઈ શકે છે.
વાળમાં લગાવવું નહીં
ઘણાં લોકોને વાળમાં પરફ્યૂમ લગાવવાની આદત હોય છે. તેમાં આલ્કોહોલ હોય છે જેના કારણે વાળ ડ્રાય થઈ શકે છે અને હેઅર ફોલનો પ્રોબ્લેમ પણ થઈ શકે છે.
કાનની પાછળ
મહિલાઓને કાનની પાછળ પરફ્યૂમ લગાવવું પસંદ હોય છે. પણ તે ભાગ સેન્સિટિવ અને ડ્રાય હોય છે. પરફ્યૂમમાં કેમિકલ અને આલ્કોહોલ હોવાથી સ્કિન વધુ ડ્રાય બને છે.