હવે સરકારી બેંકોના અધિકારીઓને સેલેરી તેમના પરફૉર્મન્સના આધાર પર આપવામાં આવી શકે છે. સ્ટેટ બેંક ઑફ ઇન્ડિયા (SBI) પંજાબ નેશનલ બેંક (PNB) અને બેંક ઑફ બરોડા (BOB) પરફૉર્મન્સ લિંક્ડ સેલેરીની તૈયારી કરી રહી છે. રિપોર્ટ અનુસાર ''બેંકો જનરલ મેનેજરથી ઉપરના ગ્રેડમાં આવતા અધિકારીઓ માટે ગંભીરતાથી પર્ફોમન્સ-બેઝ્ડ ઈન્સેન્ટિવ્સ લાવવાનું વિચારી રહી છે. તેમના સેલેરી સ્ટ્રક્ચરમાં ફિક્સ્ડ અને વેરિયેબલ પેને અલગ કરવામાં આવશે. જોકે તેનો અમલ ખૂબ ધીરે-ધીરે કરાશે.'' SBI અને BOB પણ કંઇક આ જ મૉડલ અપનાવા ઇચ્છે છે.
સામાન્ય રીતે પ્રાઇવેટ સેક્ટરમાં પરફૉર્મન્સ બેસ્ડ સેલેરી હોય છે. પરફૉર્મન્સના આધાર પર ઇન્સેંટિવ ના મળવું અને નિશ્ચિત સમય પર જ પ્રમોશન કરવાના કારણે જ કર્મચારીઓને ઉત્સાહમાં ઘટાડો થાય છે. વર્ષ 2015માં કોલ ઇન્ડિયા લિમિટેડે સુપરવાઇઝર અને એક્ઝિક્યૂટિવ ગ્રેડ કર્મચારીઓ માટે સરકારે ઇન્સેંટિવની જાહેરાત કરી હતી.
સાતમા પગાર પંચમાં પણ કેન્દ્ર સરકારના કર્મચારીઓને પરર્ફોર્મન્સના આધારે પગાર આપવા માટે ભલામણ કરવામાં આવી હતી. સાથે તેમાં એમ પણ જણાવાયું હતું કે ''દરેક વિભાગને પોતાની રીતે કામ કરવાની છૂટ પણ મળે.'' આ સાથે જ પેમેન્ટને વર્ષમાં છેલ્લે રોકડ રીતે આપવામાં આવશે જેણે બચત રૂપમાં નહી આપવામાં આવે.
પરફૉર્મન્સના આધાર પર પેમેન્ટ લાગૂ કરવા માટે સરકારી બેંકોએ સરકારની અનુમતિ લઇ લીધી છે. તમામ સ્તરના કર્મચારીઓને સેલેરીથી જોડાયેલા મામલામાં ઇન્ડિયન બેંક એસોસિયેશન બેંક મેનેજમેન્ટ અને ટ્રેડ યૂનિયનની સહમતિની સાથે નિર્ધારિત કરવામાં આવે છે.