અમેરિકામાં ગાયને એક કલાક ગળે ભેટવાનો ચાર્જ છે 16 હજાર રૂપિયા, જાણો શું છે આ COW HUG થેરાપી
લોકડાઉનને કારણે લોકો માનસિક તણાવ અને એકલતા અનુભવી રહ્યા હતા
COW HUG થી ફાયદા થતાં હોવાનો દાવો
એડવાન્સ બુકિંગ કરાવ્યા બાદ મળે છે થેરાપી
લોકડાઉનને કારણે લોકો માનસિક તણાવ અને એકલતા અનુભવી રહ્યા હતા
કોરોના મહામારીને કારણે દુનિયાના ઘણા દેશોમાં લોકડાઉન રહ્યું, લોકો ઘરોમાં કેદ રહ્યા. અમેરિકામાં પણ લોકો લાંબા સમય સુધી ઘરમાં રહ્યા બાદ માનસિક તણાવના શિકાર બનવા લાગ્યા. હવે આ તણાવને દૂર કરવા માટે લોકો હવે ગાયને ભેટી રહ્યા છે. એક રિપોર્ટમાં કહેવામાં આવ્યું છે કે લોકો ગાયને ગળે ભેટવા માટે એક કલાકના 16 હજાર રૂપિયા આપી રહ્યા છે. ફોર્બ્સમાં પણ ગાયને ગળે ભેટવાની આ થેરાપી માર્ચ મહિનામાં પબ્લિશ કરવામાં આવી હતી, તે મુજબ અમેરિકામાં લોકડાઉન દરમિયાન ગાય ઉછેરનું કામ ઘણું લોકપ્રિય થયું છે.
ગાય માનવીઓ માટે કેટલી ઉપયોગી છે તે વાતની સાબિતી અમેરિકામાં જોવા મળી હતી. અહિયાં ગાયને ગળે લગાડવાથી ઘણા સ્વાસ્થયના લાભો થઈ રહ્યા છે. જેનાથી મગજને શાંતિ મળે છે. કોંગ્રેસ નેતા મિલિન્દ દેવરાએ પણ COW HUG થેરાપીનો વિડીયો શેર કરીને વખાણ કર્યા હતા.
Cow cuddling, esp. during the pandemic is therapeutic.
$200 per hour wellness session!
Wow!
Apparently a rage in the US. Report says it started in the Netherlands.
Clearly, they’ve no idea about India! https://t.co/5AkyQOYo8J
COW HUGથી શું શું ફાયદા થાય છે?
એક રિપોર્ટ અનુસાર કોરોનાને લીધે લોકો ઘણા સમય સુધી પોતાના ઘરમાં રહ્યા. જેના કારણે એકલતા સહિત ઘણી માનસિક બીમારીઓ વધી. એવામાં ગાયને ગળે ભેટવાથી ફાયદા થઈ રહ્યા છે તેવું એમને જાણ્યું. એક વિડિયોમાં સ્ત્રીઓ દાવો કરી રહી છે કે ગાયને ગળે લગાડ્યા બાદ ઘણી માનસિક શાંતિનો અનુભવ થાય છે. સાથે સાથે એકલતા દૂર કરવા માટે પણ તે ઘણી ફાયદાકારક સાબિત થઈ રહી છે. આ ઉપરાંત નિરાશા દૂર કરવા માટે અને ચિંતા દૂર કરવા માટે પણ આ થેરાપી લોકો અપનાવી રહ્યા છે.
પહેલા ગાયની આસપાસ લોકો ફરે છે
અમેરિકામાં ગાયના ઉછેર માટે મોટા મોટા ફાર્મ હોય છે, જ્યાં દૂધ ઉત્પાદન થઈ રહ્યું છે. તેથી લોકો અહિયાં આવી ગાયની આસપાસ બે ત્રણ કલાક ફરે છે અને પછી ગાયને ગળે લગાડી કલાકો સુધી ઊભા રહે છે. માનવામાં આવે છે કે ગાયનો ઉછેર કરવો એ સકારાત્મકતા વધારે છે અને ઑક્સીટોસીન વધારી તણાવ દૂર કરે છે.
લોકો આ માટે કરી રહ્યા છે એડવાન્સ બુકિંગ
ફોર્બ્સમાં પણ ગાયને ગળે ભેટવાની આ થેરાપી માર્ચ મહિનામાં પબ્લિશ કરવામાં આવી હતી, તે મુજબ અમેરિકામાં લોકડાઉન દરમિયાન ગાય ઉછેરનું કામ ઘણું લોકપ્રિય થયું છે. એનિમલ સેન્ચ્યુરીના માલિક આ થેરાપી માટે રોજના 20 ફોન આવે છે અને તેથી તેમણે લોકો માટે એડવાન્સ બુકિંગ પણ શરૂ કર્યું છે. માર્ચ મહિનામાં જ જુલાઇ સુધીનું બુકિંગ થઈ ગયું હતું.