દેશમાં વધતી મોંઘવારીને લઇને કોંગ્રેસ નેતા રાહુલ ગાંધીએ ફરી એકવાર મોદી સરકાર પર પ્રહાર કર્યા હતા. રાહુલ ગાંધીએ ટ્વિટ કરીને કહ્યું કે લોકોના મુદ્દા - કમાણી, મોંઘવારી, ભાજપના મુદ્દા - રમખાણો, તાનાશાહી. દેશને આગળ વધવું હોય તો ભાજપની નફરતની નકારાત્મક વિચારસરણી અને રાજનીતિને તમારે પરાસ્ત કરવી પડશે. ચાલો આપણે સાથે મળીને 'ભારત' સાથે જોડાઈએ.
जनता के मुद्दे - कमाई, महंगाई
BJP के मुद्दे - दंगा, तानाशाही
देश को आगे बढ़ाना है तो भाजपा की नकारात्मक सोच और नफ़रत की राजनीति को हराना है।
એપ્રિલ 2022માં જથ્થાબંધ ફુગાવાનો દર 15 ટકાને પાર પહોંચ્યો
ઉલ્લેખનીય છે કે હોલસેલ મોંઘવારી 9 વર્ષની ઉંચાઈ પર પહોંચી ગઈ છે. એપ્રિલ 2022માં જથ્થાબંધ ભાવાંક આધારિત ફુગાવાનો દર 15 ટકાને પાર કરીને 15.08 ટકા થયો હતો જે માર્ચમાં 14.55 ટકા હતો. ફેબ્રુઆરી 2022 માં, જથ્થાબંધ ભાવ સૂચકાંક આધારિત ફુગાવાનો દર 13.11 ટકા હતો. છેલ્લા પાંચ મહિનામાં જથ્થાબંધ ફુગાવાનું આ સર્વોચ્ચ સ્તર છે. જાન્યુઆરી 2022માં મોંઘવારી દર 12.96 ટકા હતો. ફુગાવાનો દર છેલ્લા એક વર્ષ કરતા વધુ સમયથી સતત દસ આંકડામાં રહ્યો છે. એક વર્ષ પહેલા જથ્થાબંધ ફુગાવો 10.74 ટકા હતો
ખાદ્ય ચીજોની મોંઘવારી
એપ્રિલમાં ખાદ્ય વસ્તુઓનો ફુગાવો 8.35 ટકા રહી હતી, જે માર્ચમાં 8.06 ટકા હતી. ઈંધણ અને વિજળીનો ફુગાવો એક મહિના પહેલા 34.52 ટકાથી વધીને 38.66 ટકા થઈ ગઈ. ઉત્પાદિત ઉત્પાદનોનો ફુગાવો માર્ચના 10.71 ટકાથી વધીને એપ્રિલમાં 10.85 ટકા થઈ ગઈ છે. તો વળી ક્રૂડ ઓયલ અને નેચરલ ગેસનો ફુગાવો એપ્રિલમાં 69.07 ટકા હતી. હજૂ ગત અઠવાડીયે જાહેર થયેલા આંકડા અનુસાર, ફુગાવો એપ્રિલમાં વધીને આઠ વર્ષની ટોચ પર 7.79 ટકા પર પહોંચી ગયો છે.