આ વખતની લોકોની હોળી ફિક્કી રહેવાના પૂરા અણસાર છે કારણ કે તહેવારો પહેલા લોકોને પાંચ ઝટકા ખમવાનો વારો આવ્યો છે.
હોળીનો તહેવાર બગડ્યો
તહેવાર લોકોને લાગ્યા પાંચ મોટા ઝટકા
EPF પર વ્યાજદરમાં ઘટાડો
દૂધ-ગેસના ભાવમાં વધારો
જથ્થાબંધ ફુગાવો વધ્યો
હોળી પહેલા જ સામાન્ય લોકોને પાંચ મોટા ઝટકા લાગ્યા છે જેમાં ઇપીએફ પર વ્યાજ દરમાં ઘટાડો, દૂધની કિંમતમાં વધારા સહિત બીજી કેટલીક બાબતો સામેલ છે. આ નિર્ણયોની અસર સામાન્ય લોકોના ખિસ્સા પર જોવા મળી રહી છે.
1. EPF પર વ્યાજદરમાં ઘટાડો: આ મહિનાની 12મી તારીખે EPFOના સેન્ટ્રલ બોર્ડ ઓફ ટ્રસ્ટીઓએ નાણાકીય વર્ષ 2021-22 માટે પીએફ ખાતામાં જમા રકમ પર વ્યાજ દર ઘટાડીને 8.1 ટકા કરવાનો નિર્ણય કર્યો હતો. ઇપીએફઓના 6 કરોડ ગ્રાહકો પર આની અસર પડશે.
2. દૂધના ભાવમાં વધારો : આ મહિનાની શરૂઆત દૂધના ભાવમાં વધારા સાથે થઈ હતી. પહેલા અમૂલ અને પછી પરાગ અને મધર ડેરીએ દૂધના ભાવમાં લિટર દીઠ 2 રૂપિયાનો વધારો કર્યો, આમ સામાન્ય લોકો આ મહિનાથી દૂધ ખરીદવા માટે વધુ પૈસા ખર્ચ કરે છે.
જથ્થાબંધ ફુગાવાના આંકડાઃ સરકારે સોમવારે ફેબ્રુઆરી મહિનાના જથ્થાબંધ ફુગાવાના આંકડા જાહેર કર્યા છે. સરકાર દ્વારા જાહેર કરવામાં આવેલા આંકડા મુજબ હોલસેલ કિંમતો પર આધારિત મોંઘવારી ગત મહિને વધીને 13.11 ટકા થઈ ગઈ છે. જથ્થાબંધ ભાવો પર આધારિત ફુગાવો સતત ૧૧મા મહિને વધ્યો હોવાથી આ બાબતે સામાન્ય લોકોને આંચકો આપ્યો છે.
સીએનજીના ભાવમાં વધારો: ઉત્તર પ્રદેશ સહિત પાંચ રાજ્યોમાં વિધાનસભા ચૂંટણી પૂર્ણ થતા જ દિલ્હી-એનસીઆર સહિત ઘણા શહેરોમાં સીએનજીના ભાવમાં 50 પૈસાનો વધારો થઇને એક રૂપિયો થયો છે. આ પછી રાષ્ટ્રીય રાજધાનીમાં સીએનજીના ભાવ 50 પૈસા વધીને 57.01 રૂપિયા પ્રતિ કિલોથી વધીને 57.51 રૂપિયા પ્રતિ કિલો થઈ ગયા છે.
કોમર્શિયલ એલપીજી થયું મોંઘુઃ ઓઈલ માર્કેટિંગ કંપનીઓએ મહિનાના પહેલા દિવસે કોમર્શિયલ ગેસ સિલિન્ડરની કિંમતમાં વધારો કરવાની જાહેરાત કરી હતી. કંપનીઓએ દિલ્હીમાં કોમર્શિયલ સિલિન્ડરના ભાવમાં સિલિન્ડર દીઠ રૂ.105 રુપિયાનો વધારો થયો હતો.