રિસર્ચ / ભોજન પર પ્રતિબંધ કે નિયંત્રણ મૂકવાથી એકલતાનો અહેસાસ વધે છેઃ સંશોધન

આ પહેલાં સાત અભ્યાસ અને નિયંત્રિત પ્રયોગોના આધારે અમેરિકાની કોર્નેલ યુનિવર્સિટીના સંશોધકોએ જાણ્યું કે અેલર્જી, સ્વાસ્થ્યનાં કારણો, ધાર્મિક કે સાંસ્કૃતિક કારણોસર સંયમિત કે નિયંત્રિત ભોજન કરવાથી બાળકો અને વયસ્કોમાં અેકલાપણાનો અહેસાસ વધે છે. જે વ્યક્તિ લોકોની વચ્ચે રહેવા છતાં પણ કોઇ પ્રકારના પ્રતિબંધના કારણે ખાવાનું ખાઇ નથી શકતી અથવા કોઇની સાથે શેર કરી શકતી નથી તે ખુદને દુનિયાથી અલગ અનુભવે છે અને તે એકલતાના અહેસાસથી પીડાય છે.

આવો અભ્યાસ પહેલીવાર કરાયો છે. તેમાં એવું જાણવા મળ્યું છે કે ભોજન પરના પ્રતિબંધથી એકલતાનો અહેસાસ વધે છે. એકલતાનું સ્તર આ લોકોમાં એટલું જ ઊંચું હોય છે, જેટલું અવિવાહિત અને ઓછી આવકવાળા લોકોમાં હોય છે.  તેમણે જણાવ્યું કે જો કોઇ વ્યક્તિ બધું જ ખાતી હોય અને અચાનક તેના ભોજન પર પ્રતિબંધ મૂકી દેવાય તો તેનામાં એકલતાનું સ્તર ૧૯ ટકા સુધી વધી જાય છે.