Health Tips / તહેવારોમાં હાઈ બીપી વાળા દર્દીઓ રાખે ખાસ ધ્યાન, આ 7 ફૂડ્સનું ન કરો સેવન, નહીં તો બગડી શકે છે હેલ્થ

• હાઈ બ્લડ પ્રેશન બને છે અનેક સમસ્યાનું કારણ 
• હાઈ બીપી વાળા દર્દીઓએ આ વસ્તુઓનું ન કરવું સેવન 
• સ્વાસ્થ્યને થઈ શકે છે વધુ ગંભીર નુકસાન 

હાઈ બ્લડ પ્રેશરને હાઈપરટેન્શન તરીકે પણ ઓળખવામાં આવે છે. આ એક એવી સ્થિતિ છે જેમાં આર્ટરીની વોલ પર બ્લડનું વધારે દબાણ વધે છે. સતત હાઈ બ્લડ પ્રેશર હૃદયની સમસ્યાઓ તરફ દોરી શકે છે. જેમ કે સ્ટ્રોક, હાર્ટ એટેક અને કાર્ડિયાક અરેસ્ટ. આ સ્થિતિનું કારણ શું છે?

લાઈફસ્ટાઈલની આદતો હાઈ બ્લડ પ્રેશરનું સૌથી મોટું જોખમ બની શકે છે. એટલા માટે ડૉક્ટરો સૂચવે છે કે હાઈ બ્લડ પ્રેશરને દૂર રાખવા માટે ડેલી ડાયેટમાં શું ખાવું અને શું નહીં તેની સારી કાળજી લેવી જોઈએ.

હાઈ બ્લડ પ્રેશરને દૂર કરવા માટે આ ફૂડ્સને ખાવાથી બચો 
તળેલું ભોજન
તમારી ડાયેટમાંથી તળેલા ખોરાકની બાદબાકી કરી લો. આ તમારા હાર્ટ હેલ્થ માટે ખરાબ હોવાની સાથે તમારા આખા સ્વાસ્થ્ય માટે પણ ખતરનાક સાબિત થઈ શકે છે. તળેલા ખોરાકમાં સેચ્યુરેટેડ ફેટ અને મીઠુ હોય છે. આ બંને બ્લડ પ્રેશરના દુશ્મન છે. કારણ કે તે તમારા બ્લડ પ્રેશરનું લેવલ તરત જ વધારી શકે છે.

મીઠું
જો તમને હાઈ બ્લડ પ્રેશર થવાનું જોખમ હોય. તમારે મીઠુ ખાવા પર કંટ્રોલ કરવો જોઈએ. હાઈ બ્લડ પ્રેશરથી બચવા માટે દરરોજ 5 ગ્રામ કરતાં ઓછું મીઠું લેવાની ભલામણ કરવામાં આવે છે.

ફ્રોઝન અને પ્રોસેસ્ડ ફૂડ
સ્વાદ જાળવવા માટે આ ખોરાકમાં વધુ પડતું મીઠું ઉમેરવામાં આવે છે. જે તમારા બ્લડ પ્રેશરમાં અચાનક વધારો કરી શકે છે. તમારા હૃદયને સ્વસ્થ રાખવા અને ફિટ રાખવા માટે તમારા આહારમાં વધુ તાજા અને મોસમી ફળો અને શાકભાજીનો સમાવેશ કરવાનો પ્રયાસ કરો.

કેફીન
ચા, કોફી અથવા એનર્જી ડ્રિંકનું વધુ પડતું સેવન કરવાનું ટાળો, કારણ કે તેમાં કેફીન હોય છે, જે બ્લડ પ્રેશર વધારવા માટે જાણીતું છે.

દારૂ
હાઈ બીપી ધરાવતા લોકોએ આલ્કોહોલનું સેવન ઓછું કરવું અથવા બંધ કરવું જોઈએ. આ તમારા હાર્ટની સાથે હાઈ બ્લડ પ્રેશને પણ પ્રભાવિત કરે છે. જે તમારા મૃત્યુનું કારણ પણ બની શકે છે.

સોડા
ચા અને કોફી સિવાય સોડા પણ હાઈ બીપી ધરાવતા લોકોએ ન પીવી જોઈએ. સોડામાં પ્રોસેસ્ડ સુગર અને કેલરી પણ હોય છે. તેના કારણ કે લોકો જાડાપણાનો શિકાર થઈ શકે છે. 

મસાલા
કેચઅપ, સોયા સોસ, સલાડ ડ્રેસિંગ વગેરે જેવા સોસનું સેવન ન કરો, કારણ કે તેમાં મીઠાનું પ્રમાણ વધુ હોય છે.