સવાર થાય અને પીવાના પાણીની ચિંતા ઘેરી વળે છે. ભીખ નાઠોરીના દરેક ઘરનો એક સભ્ય પીવાના પાણી માટે બે કિમી જેટલું ચાલીને નેપાળ જાય છે. પીવાના પાણી માટે આવવા-જવામાં બે કલાકનો સમય બગડે છે. ઘણાં વર્ષથી ગ્રામીણ આ સંકટ સહન કરી રહ્યા છે. તેમ છતાં પણ ત્યાં સ્થાયી નિદાન માટે કોઇ પ્રયાસ થયા નથી.
પહાડી ક્ષેત્રોમાં પાણી સૌથી મોટો પડકાર
લાખોના ખર્ચે પંપ લગાવ્યાં પણ બંને બિનઉપયોગી
જંગલમાંથી પસાર થઇ નેપાળથી પાણી લાવવા માટે મજબુર
ભોજન અને પીવા માટે પાણી લાવવા લોકો બે કિમી દૂર નેપાળના ઠોરી ગામમાં જાય
ભારત-નેપાળ સીમા પર વસેલા ગોનાહા પ્રખંડની ધમોરા પંચાયતના ભીખ નાઠોરીની વસ્તી લગભગ 800 જેટલી છે. પહાડી ક્ષેત્ર હોવાથી અહીં પીવાનું પાણી સૌથી મોટો પડકાર છે. સાધારણ હેન્ડપંપ અહીં કામ લાગતા નથી. ગામની બાજુમાં પંડઇ નદી વહે છે. દૈનિક કાર્યો માટે લોકો તેનાં પાણીનો ઉપયોગ કરે છે. ભોજન અને પીવા માટે પાણી લાવવા લોકો બે કિમી દૂર નેપાળના ઠોરી ગામમાં જાય છે. ત્યાં અમૃતધારા નામની પહાડીથી વહેતા પાણીને ભરી લાવે છે.
પાણીની આ પૂર્તિ માટે લગભગ 18 લાખનો ખર્ચ કરીને બે સોલર પંપ લગાવ્યા હતા
વર્ષ 2016માં પબ્લિક હેલ્થ એન્જિનિયરિંગ ડિપાર્મેન્ટે પીવાના પાણીની આ પૂર્તિ માટે લગભગ 18 લાખનો ખર્ચ કરીને બે સોલર પંપ લગાવ્યા હતા. 2017ના પૂરમાં એક બેકાર થયો. બીજામાં હંમેશાં કંઇક ને કંઇક ગરબડ રહે છે. ગામના લોકોએ ટેન્કરથી પીવાના પાણીની વ્યવસ્થા કરી, પરંતુ સમયસર પૈસા ન આપવાના કારણે હવે તે પણ ઠપ છે.
1000ની વસ્તીવાળા આ ગામમાં પણ પીવાના પાણીની વિકરાળ સમસ્યા
ઘમોરા પંચાયતનું અન્ય એક ગામ છે-ભતુજલા. 1000ની વસ્તીવાળા આ ગામમાં પણ પીવાના પાણીની વિકરાળ સમસ્યા છે. અહીંના ગ્રામીણ લગભગ બે કિમી દૂર વાલ્મીકિ રિઝર્વ ટાઇગરના જંગલમાંથી પસાર થઇને વહેતી ભવરી નદીમાંથી પાણી લાવે છે. અહીં પણ વિભાગે 16 લાખ ખર્ચીને સોલર પંપ લગાવ્યો છે, પરંતુ તેમાં કીચડવાળું ગંદું પાણી આવે છે.