૩૦ વર્ષની ઉંમર બાદ જો ખાણી-પીણી યોગ્ય ના હોય તો ઘણી સમસ્યા પેદા થઈ શકે છે.
ખાણી-પીણી યોગ્ય ના હોય તો ઘણી સમસ્યા પેદા થઈ શકે છે
સ્ત્રીઓ માટે રોજિંદા આહારમાં કેટલોક ખોરાક સામેલ કરવો જરૂરી છે
શરીરમાં લોહીના સંચારમાં સુધારો કરે છે
જો તમારી ઉંમર 30 વર્ષની થઈ ચૂકી છે તો તમારે તમારા સ્વાસ્થ્ય પર થોડું વધુ ધ્યાન આપવું પડશે. ખોરાકની અસર શરીર પર પડે છે, જેથી તેઓ શું ખાય છે તેને મહત્ત્વ આપવું જરૂરી છે.
30 વર્ષની ઉંમર બાદ જો ખાણી-પીણી યોગ્ય ના હોય તો ઘણી સમસ્યા પેદા થઈ શકે છે. આ ઉંમરની સ્ત્રીઓ માટે રોજિંદા આહારમાં કેટલોક ખોરાક સામેલ કરવો જરૂરી છે.
ફણગાવેલાં કઠોળની ચાટ
ફણગાવેલાં કઠોળમાં બહોળા પ્રમાણમાં પ્રોટીન, વિટામિન-ઈ, વિટામિન-કે, આયર્ન, ફાયટોકેમિકલ્સ અને એન્ટિઓક્સિડેન્ટ હોય છે, જે રોગ પ્રતિકારકશક્તિને મજબૂત બનાવે છે અને શરીરમાં લોહીના સંચારમાં સુધારો કરે છે, તેમાં ઝિંક, ફોલિક એસિડ, રિબોફ્લેવિન, કોપર અને મેગ્નેશિયમ જેવાં પોષકતત્ત્વો પણ હોય છે, જે વાળ માટે લાભદાયી છે.
મલ્ટિગ્રેન ફ્લેક્સ
મિલ્ટગ્રેન ફ્લેક્સ એ ઓટ્સ વ્હીટ ફ્લેક્સ, કોર્ન ફ્લેક્સ, જવ, રાગી, મમરા, જુવાર, ચોખાના ટુકડાનું મિશ્રણ હોય છે. ભોજન પછી અથવા બે ભોજન વચ્ચેના ગેપમાં ખાવા માટે વધુ સારો નાસ્તો છે, તેમાં કેલરીની માત્રા ઘણી ઓછી હોય છે. તે ફાઇબર, વિટામિન-બી, એન્ટિઓકિસડેન્ટ, ઝિંક, કોપર અને મેગ્નેશિયમ જેવાં એન્ટિઓકિસડેન્ટથી ભરપૂર હોય છે.
ફળોનું સલાડ
ડાયટમાં વિવિધ પ્રકારનાં મોસમી ફળોમાંથી બનેલા સલાડનો સમાવેશ કરવો જોઈએ. ફળો અને શાકભાજી ખાવાથી હૃદયરોગ, ડાયાબિટીસ, સ્થૂળતા, કેન્સર અને બ્લડપ્રેશર જેવી બીમારીઓનું જોખમ ઓછું થાય છે. ફળોમાં ભરપૂર માત્રામાં એન્ટિઓક્સિડેન્ટ હોય છે, જે રોગ પ્રતિકારકશક્તિ વધારે છે. તે ડાયટરી ફાઈબર, વિટામિન-સી, પોટેશિયમ, ફોલેટથી ભરપૂર હોય છે.
ઓટ્સ
ઓટ્સ એક અનાજ છે, જે સામાન્ય રીતે નાસ્તામાં લેવામાં આવે છે. ઓટ્સમાં દ્રાવ્ય અને અદ્રાવ્ય બંને ફાઇબર હોય છે. વજન અને કોલેસ્ટ્રોલ ઘટાડવા માટે ઓટ્સને ખૂબ સારા ગણવામાં આવે છે. ડાયાબિટીસમાં બ્લડ ગ્લુકોઝને નિયંત્રિત કરવામાં ઓટ્સ ઉપયોગી છે. ઓટ્સ પ્રોટીન, ફાઈબર, આવશ્યક વિટામિન અને મિનરલ્સથી ભરપૂર હોય છે.
છાશ
છાશમાં ૯૦ ટકા પાણી હોય છે. તેથી તે શરીરમાં પાણીનું સંતુલન જાળવવામાં મદદ કરે છે, તેમાં પુષ્કળ પ્રમાણમાં રહેલાં પ્રોટીન, વિટામિન, બેક્ટેરિયા (પ્રોબાયોટિક્સ) પાચન માટે જરૂરી છે. તે ભોજન સાથે અથવા ભોજન વચ્ચે પણ લઈ શકાય છે.
ફ્રૂટ યોગર્ટ
દહીં એટલે યોગર્ટ એ ડેરી પ્રોટીન, કેલ્શિયમ, મેગ્નેશિયમ, વિટામિન-બી૧૨, લિનોલિક એસિડ અને સારા ફેટી એસિડનો સારો સ્રોત છે. ફળ અને દહીં એકસાથે ખૂબ જ સારું મિશ્રણ છે. ફળોમાં કેલરી ઓછી હોય છે અને એન્ટિઓિક્સડેન્ટ્સ, પ્રોબાયોટિક્સ, ફાઈબર અને પોલિફનોલ્સનો ઉત્તમ સ્રોત હોય છે, જે પાચનમાં સુધારો કરે છે.
સૂકા મેવા
સૂકા મેવાને હૃદય માટે આરોગ્યપ્રદ સ્નેક્સ માનવામાં આવે છે. તે પ્રોટીન, ફેટી એસિડ્સ, ઓમેગા-3 ફેટી એસિડ્સ, વિટામિન-ઇ અને ફાઇબરથી ભરપૂર હોય છે. એચડીએલ (સારા) કોલેસ્ટ્રોલને સુધારવામાં મદદ કરે છે. સૂકા મેવામાં કેલરી વધુ માત્રામાં હોય છે. તેથી તેને મર્યાદિત માત્રામાં ખાવો જોઈએ.