બેદરકારી મુશ્કેલી પાડી દેશે / ગુજરાતમાં કપ્પા વેરિયન્ટના કેસની એન્ટ્રી અને રિવરફ્રન્ટ પર લોકો મોજથી માસ્ક વગર ફરતા દેખાયા

• વરસાદની મજા માણતા અમદાવાદી
• રીવરફ્રન્ટ પર મજા માણવા પહોંચ્યાં
• અમદાવાદમાં પણ ધીમી ધારે વરસાદ

અમદાવાદ શહેરમાં પણ ધીમી ધારે વરસાદના આગમનની સાથે આજે રવિવારે પણ રહ્યો હતો. જેને લઈ લોકો રિવરફ્રન્ટની મજા લેવા પહોંચી ગયા હતા. પરંતુ હજુ હમણાં બીજી લહેરમાંથી થોડા બહાર આવ્યા છીએ ત્યાં બેદરકારીના ઉદાહરણો જોવા મળી રહ્યા છે. રિવરફ્રન્ટ પર મોટા ભાગના લોકો માસ્ક વગર જોવા મળ્યા હતા. મહત્વનું છે કે, ડૉક્ટરો દ્વારા સંભવિત ત્રીજી લહેરને લઈ ચેતવણી આપી દેવાઈ છે. આમ છતાં લોકો કાળજી લેવા તૈયાર નથી. 

અમદાવાદના મેડિકલ એસોસિએશનના જોઈન્ટ સેક્રેટરી ડૉ.સાહિલ શાહે  ડેલ્ટા, ડેલ્ટા પલ્સ અને કપ્પા વેરિયન્ટ કોરોનાની બીજી લહેર માટે જવાબદાર ગણાવ્યા છે જો કે હજુ પણ કોરોનાની ત્રીજી લહેરની સંભાવનાઓ વ્યક્ત કરવામાં આવી રહી છે એવામાં ગુજરાતમાં 5 જેટલા કપ્પા વેરિયન્ટના કેસ સામે આવતા તબિબોની ચિંતા વધી ગઈ છે. મહત્વનું છે કે  વિશ્વ સ્વાસ્થ્ય સંગઠને મે મહિનામાં ન્યુ મ્યૂટન્ટને  ‘કપ્પા’નું નામ આપ્યું હતું. જેના વેરિયન્ટ યુકેમાં પણ જોવા મળ્યા હતા 

આગામી તહેવારને લઇ ભીડ પડી શકે છે ભારે

શનિવારે આરોગ્ય વિભાગે જાણકારી આપતા જણાવ્યું કે ગુજરાતમાં પહેલી વખત કોરોનાના કપ્પા વેરિયન્ટના કેસ સામે આવ્યાં છે. જેમાં ગુજરાતમાં ત્રણ કેસ અને ગોધરા અને મહેસાણામાં પણ કપ્પા વેરિયન્ટનો એક-એક કેસ સામે આવ્યો છે. રાજ્યમાં પહેલી વાર કપ્પા વેરિયન્ટ સામે આવતા જ આરોગ્ય વિભાગ સાબદું બન્યુ છે.  

ઘરમા જ તહેવાર ઉજવવા તબીબોની અપીલ

આરોગ્ય વિભાગ દ્વારા કપ્પા વેરિયન્ટ દર્દીઓના સંપર્કમાં આવેલા લોકોની પણ તપાસ શરૂ કરવામાં આવી છે. જે જિલ્લાઓમાં અને વિસ્તારોમાંથી કેસ સામે આવ્યા છે ત્યાં પણ આરોગ્ય વિભાગ દ્વારા તપાસ કરવામાં આવી રહી છે. જોકે કપ્પા વેરિયન્ટને રોકવા તેને ફેલાતો અટકાવવા માટે વેક્સિનેશની પ્રક્રિયા ઝડપી બનાવવામાં આવે તેવું નિષ્ણાત ડોક્ટરો જણાવી રહ્યા છે. 

અમદાવાદ શહેરમાં આજે રવિવાર વહેલી સવારથી વાતાવરણમાં પલટો જોવા મળ્યો છે. જેને લઇને વહેલી સવારથી શહેરના પૂર્વ અને પશ્ચિમ વિસ્તારમાં વરસાદી માહોલ જોવા મળ્યો છે. જેમાં પશ્ચિમના સેટેલાઇટ, બોડકદેવ, શિવરંજની, શ્યામલ, એસ. જી. હાઇવે, સોલા, મેમનગર, ઘાટલોડિયા, બોપલ, આંબલી, ચાંદખેડા, ચાંદલોડિયા, જીવરાજ પાર્ક, સાયન્સ સીટી, વસ્ત્રાપુરમાં ધીમીધારે વરસાદ વરસ્યો છે. જ્યારે શહેરના પૂર્વમાં પણ વરસાદી માહોલ જોવા મળ્યો છે.

જેમાં મણિનગર, ઇસનપુર, નારોલ, બાપુનગર, નરોડ, નિકોલ, દિલ્હી દરવાજા, એરપોર્ટ વિસ્તારમાં વરસાદ વરસ્યો છે. અમદાવાદમાં ધીમીધારે વરસાદ શરૂ થયો છે.બોડકદેવ, વસ્ત્રાપુર અને થલતેજ વિસ્તારમાં વરસાદ વરસાદ પડ્યો છે. વરસાદના આગમનથી લોકોમાં ખુશીની લાગણી જોવા મળી રહી છે. જ્યારે હવામાન વિભાગે ભારે વરસાદની આગાહી કરી છે. આગામી બે દિવસ ભારે વરસાદની આગાહી કરવામાં આવી છે.