દેશમાં દહેજની ગંદકી હજૂ પણ કેટલીય જગ્યાએ ફેલાયેલી છે. જો કે, કેન્દ્ર સરકાર અને રાજ્ય સરકારો આ અભિશાપ ખતમ કરવા માટે તમામ પ્રયાસો કરી રહી છે, જેને કારણે દહેજ લેનારા અને આપનારામાં ધરખમ ઘટાડો આવ્યો છે.
દેશમાં હજૂ પણ દહેજની કુપ્રથા યથાવત
સરકારી નોકરીવાળામાં ચલણ
ભણેલાગણેલા લોકો પણ કુપ્રથામાં માને છે
દેશમાં દહેજની ગંદકી હજૂ પણ કેટલીય જગ્યાએ ફેલાયેલી છે. જો કે, કેન્દ્ર સરકાર અને રાજ્ય સરકારો આ અભિશાપ ખતમ કરવા માટે તમામ પ્રયાસો કરી રહી છે, જેને કારણે દહેજ લેનારા અને આપનારામાં ધરખમ ઘટાડો આવ્યો છે. લોકોની વિચારસરણ બદલી છે. પણ હજૂયે એવા કેટલાય લોકો છે, જેમની માનસિકતા એવીને એવી છે. લોકો દહેજને પોતાનો હક માને છે, જેને તેઓ કન્યાપક્ષ તરફથી લઈને જ રહે છે. જો ન મળે તો, લગ્ન તોડી નાખે છે. જો તેમની ડિમાન્ડ સમય રહેતા પુરી ન થાય તો, માંડવેથી ઉઠીને ચાલ્યા જાય છે. સોશિયલ મીડિયા પર પણ આવો જ એક વીડિયો સામે આવ્યા છે. આ વીડિયોમાં દહેજના લાલચી વરરાજાએ લગ્ન કરવાની ઘસીને ના પાડી દીધી હતી. કારણ છોકરીવાળા તરફથી તેમની ડિમાન્ડ પુરી કરવામાં આવી નહોતી.
આ ઘટના બિહારની હોવાનું કહેવાય છે. વીડિયોમાં આપ જોઈ શકો છો કે, વર અને વધુ સ્ટેજ પર બેઠેલા છે. એક શખ્સ જે વીડિયો બનાવી રહ્યો છે. તે વરને પૂછી રહ્યો છે કે, લગ્ન નહીં કરવા પાછળનું કારણ શું છે, તેના જવાબમાં તે કહે છે, અમારી ડ઼િમાન્ડ હજૂ સુધી પુરી નથી થઈ. ન તો રોકડા મળ્યા છે. તથા કોઈ સામાન પણ નથી મળ્યો. તે દાવો કરે છે કે, છોકરી પક્ષ દ્વારા એક ચેન પણ આપવાનું કહેવામાં આવ્યું હતું, તે પણ નથી મળ્યો. આમ જ તે ક્યા આધારે તેની સાથે લગ્ન કરે.
વીડિયો બનાવી રહેલા શખ્સ દ્વારા પૂછવા પર વર જણાવે છે કે, તે સરકારી નોકરી કરે છે, જ્યારે તેના પિતા એક સરકારી શિક્ષક છે. હવે આપ વિચારી શકો છો કે, એક ભણેલા-ગણેલા લોકો જ્યારે આવા રીતે દહેજપ્રથાને પ્રોત્સાહન આપતા હોય તો, પછી આ કલંક કેવી રીતે ભૂસાશે.
ટ્વિટર પર આ વીડિયોને આઈપીએસ અધિકારી દિપાશું કાબરાએ શેર કર્યો છે અને લખ્યું છે કે, જ્યાં સુધી દેશમાં દહેજના લોભી માનસિકતા ખતમ નહીં થાય, ત્યાં સુધી આપણો વુમન્સ ડે, મહિલા સશક્તિકરણ વગેરે વ્યર્થ છે. જે દહેજની લાલચમાં પોતાની સેલ્ફ રિસ્પેક્ટ અને જીવનસંગિનીની કિંમત ઓછી આંકે, તે કોઈનો જીવન સાથી શું બનવાનો. વીડિયોની તપાસ કરી, કડક કાર્યવાહી થાય.
આ વીડિયોને જોઈને લોકો પણ કમેન્ટ કરવા લાગ્યા છે. એક યુઝર્સે લખ્યું છે, ક્યાં આધારે લગ્ન કરે, ગજબનો જવાબ મંદબુદ્ધિએ આપ્યો છે. અન્ય એકે લખ્યું છે કે, પકડાશે ત્યારે તો આની સરકારી નોકરી ગઈ સમજો.