લૉકડાઉન દરમિયાન લોકો ઘરમાં રહીને કંટાળી ચૂક્યા છે. હવે તેઓ પહેલાંની જેમ ફિલ્મ, મોસમ વગેરે અંગે જાણકારી મેળવી રહ્યા છે. દેશના લોકોના મનની આ વાત ગૂગલમાં મે મહિનાના સર્ચ ટ્રેન્ડથી જાણવા મળી છે.
કોરોનાથી ત્રાસ્યા લોકો
સર્ચ કરવાનુ કર્યુ બંધ
ગૂગલ ટ્રેન્ડ્સના રિપોર્ટ મુજબ કોરોના અઠવાડિયાંઓ સુધી લોકપ્રિયતાના ચાર્ટમાં અવલ રહ્યો, પરંતુ હવે તેનુ રેટિંગ નીચું ગયું છે.
મે મહિનામાં કોરોના વાઇરસનું સર્ચ એપ્રિલની સરખામણીમાં ઘટીને અડધું થઇ ગયું હતું. આખા મે દરમિયાન કોરોના વાઇરસ વિષય સર્ચિંગમાં 12મા નંબરે રહ્યો, જ્યારે આ દરમિયાન ફિલ્મ, મીનિંગ, ન્યૂઝ અને મોસમ શબ્દ વધુ સર્ચ થયો હતો.
મોટી વાત એ છે કે આ વિષય સામાન્ય દિવસોમાં પણ ભારતમાં વધુ સર્ચ કરવામાં આવે છે, તેના પરથી અનુમાન લગાવાય છે કે કોવિડ-19થી પહેલાંના સમયમાં હવે લોકો પાછા ફરવા ઇચ્છે છે. ટ્રેન્ડ પરથી એ પણ જાણ થાય છે કે લોકોએ ફિલ્મોમાં વેબ સિરીઝ ‘પાતાળલોક’ને સૌથી વધુ શોધી છે. અત્યારે સૌથી વધુ આ વેબ સિરીઝની ચર્ચાઓ થઇ રહી છે.