થોડી માણસાઈ રાખો / VIDEO : બીયરની ટ્રક ઊંધી પડતાં 'બેવડા' ને પડી મૌજ, લેવાય એટલી લઈને ભાગ્યાં, મહિલાઓ પણ પાછળ ન રહી

• આંધ્રના અનાકપલ્લીમાં  ઊંધી પડી બીયર ભરેલી ટ્રક 
• બીયરની બોટલો રસ્તા પર ચારેબાજુ વેરાઈ
• ખબર પડતાં લોકો દોડી આવ્યાં ઘટનાસ્થળે
• લેવાય તેટલી લઈને ભાગ્યાં 

આંધ્રના અનાકપલ્લીમાં દારુ કે બીયર પીનારને તડાકો પડ્યો હતો અને એક અકસ્માતને કારણે સાવ મફતમાં તેમને બીયરની બોટલો મળી ગઈ હતી. અનાકપલ્લીમાં બીયર લઈને જતી એક ટ્રક અચાનક રસ્તા પર ઊંધી વળી ગઈ હતી જેને કારણે ચારેતરફ બોટલો વેરાઈ હતી. અકસ્માતમાં ઘાયલ થયેલા લોકોને મદદ કરવાને બદલે આજુબાજુના લોકોએ બીયરની બોટલોની બરાબરની લૂંટ ચલાવી હતી, જેને જેટલી હાથમાં આવે તેટલી લઈને ભાગવા લાગ્યાં હતા. બિયરની બોટલોના 200 કેસનો સમગ્ર લોડ જમીન પર પડતાં આ વિસ્તારના સ્થાનિકોએ ટ્રક ડ્રાઇવર અને ક્લિનરને મદદ કરવાને બદલે ચોરી કરવા દોડધામ કરી હતી. 

VIDEO | A vehicle carrying 200 cartons of beer overturned in Andhra Pradesh's Anakapalli on Tuesday, following which people rushed to grab the beer bottles. pic.twitter.com/nIYHQCF9U8

— Press Trust of India (@PTI_News) June 6, 2023

ઘટનાના ફૂટેજ વાયરલ 
આ ઘટનાના ફૂટેજ સોશિયલ મીડિયા પર વાયરલ થયા છે જેમાં લોકો બીયરની બોટલો લઈ જતા જોવા મળતા હતા. ભૂતકાળમાં રાજ્યમાં દારૂ ભરેલી ટ્રકો સાથે સંકળાયેલા માર્ગ અકસ્માતો બાદ દારૂની બોટલોની ચોરીની આવી જ ઘટનાઓ સામે આવી છે.

મહિલાઓએ પણ કરી બીયરની બોટલોની લૂંટ
બીયરની બોટલો લૂંટવામાં એકલા પુરુષો જ નહીં પરંતુ મહિલાઓ પણ સામેલ હતી તેમણે પણ જેટલી લેવાય તેટલી લઈને ભાગમભાગ કરી હતી.