સુરત / વરસાદના સમયે સાચી માહિતી મેળવવા સરકારી માધ્યમો પર લોકોનો ભરોસો

વરસાદની માહિતી મેળવવા માટે લોકો મહાનગરપાલિકાની વેબસાઇટ ફંફોળી રહ્યાં છે. ઉકાઇ ડેમની સ્થિતિથી લોકોમાં ચિંતા હતી ત્યારે સાચી માહિતી મેળવવા માટે લોકો સુરત મહાનગરપાલિકાની વેબસાઇટ પર સર્ચ કરી રહ્યા હતા. ઉકાઇના પાણીના ડરને પગલે લોકો સતત માહિતી ઇચ્છતા હતા. ત્યારે સુરત મહાનગર પાલિકાની વેબસાઇટ પરથી ઉકાઇના લાઇવ આંકડા લોકોએ મેળવ્યા હતા. 

ત્યારે મોટી વાત તો એ છે કે, માત્ર 3 દિવસમાં જ 3.50 લાખ લોકોએ આ એપને ડાઉનલોડ કરી છે. ત્યારે અફવાઓની સામે સુરત મનપાની આ એપ અને વેબસાઇટ લોકો માટે ભરોસાનું માધ્યમ બની રહી છે. એટલે સુરત મનપાએ સોશિયલ મીડિયાનો ખૂબ સારો ઉપયોગ કર્યો છે અને વરસાદના સમયે મનપાના ડિજિટલ અભિગમે લોકોને અફવાઓથી દૂર રાખ્યા છે.