મધ્ય પ્રદેશના ગુના જિલ્લામાં જમીની વિવાદના કારણે અમુક લોકોએ આદિવાસી મહિલા પર ડીઝલ નાખીને આગ લગાવી દીધી હતી.
મધ્યપ્રદેશમાં દબંગોએ મહિલાને આગ લગાવી દીધી
જમીન વિવાદમાં થયો હતો ડખ્ખો
આદિવાસી મહિલા ખેતરમાં કામ કરતી હતી અને ઘટના બની
મધ્ય પ્રદેશના ગુના જિલ્લામાં જમીની વિવાદના કારણે અમુક લોકોએ આદિવાસી મહિલા પર ડીઝલ નાખીને આગ લગાવી દીધી હતી. આ ઘટનાનો વીડિયો સોશિયલ મીડિયા પર વાયરલ થયો હતો. ઘટનાની જાણ થતાં પોલીસ ઘટનાસ્થળે પહોંચી અને મહિલાને જિલ્લા હોસ્પિટલમાં પહોંચાડી હતી. મહિલાનું આખા શરીરે દાઝી ગઈ હતી. જ્યાં તેની સારવાર ચાલી રહી છે. તો વળી પોલીસનું કહેવુ છે કે, મહિલાએ જાતે જ આગ લગાવી હતી. હાલમાં આ કેસમાં તપાસ ચાલી રહી છે.
ધનોરિયા નિવાસી અર્જૂન સહરિયાના જણાવ્યા અનુસાર તેની પત્ની રામપ્યારી બાઈ ખેતર પર વાવણી કરવા ગઈ હતી. થોડા દિવસ પહેલા કાયદાકીય લડાઈ બાદ તેણે પોતાની 6 વીધા જમીન પર કબ્જો મળ્યો હતો. આરોપીઓએ જમીન પર પોતાનો કબ્જો જમાવી રાખ્યો હતો. જેને રેવન્યૂમાંથી આરોપીએ મુક્ત કરાવી હતી. કોર્ટમાં કેસ જીતી જતાં પતિ-પત્ની પોતાની જમીન પર ખેતીવાડી કરવા આવ્યા હતા.
ખેતરમાં કામ કરવા ગઈ હતી પત્ની
પીડિત મહિલા રામપ્યારી સહરિયા જ્યારે ખેતરમાં કામ કરવા ગઈ હતી, તે સમયે આરોપીઓએ ખેતરમાં જઈને ટ્રેક્ટરથી ડિઝલ કાઢીને રામપ્યારી પર નાખ્યું અને આગ લગાવી દીધી હતી. આ ઘટનાને અંજામ આપવામાં 8-10 લોકો સામેલ હતા. આ ઘટનાનો વીડિયો પણ વાયરલ થયો હતો. જેમાં મહિલાનું અડધુ શરીર દાઝી ગયું હતું. આ વીડિયોમાં તેનો પતિ આરોપીઓના નામ પણ જણાવી રહ્યો છે.
3માંથી 2 આરોપીની ધરપકડ
એસપી પંકજ શ્રીવાસ્તવે કહ્યું કે, પીડિત મહિલાના પતિની ફરિયાદ પર કેસ નોંધવામાં આવ્યો છેે, તેમાંથી 2 આરોપીઓની ધરપકડ કરવામાં આવી છે.