સંબોધન / ઉદ્યોગ જગતને PM મોદીનો મંત્રઃ લોકલ માટે વોકલ બનવું જરૂરી, સ્વદેશીને અવસર બનાવીએ

• ઉદ્યોગ જગતને પીએમ મોદીનું સંબોધન
• દેશનું આત્મનિર્ભર બનવું જરૂરી
• લોકલ માટે વોકલ થવાનો સમય

આત્મનિર્ભર ભારતને લઇને પીએમ મોદીએ કહ્યું કે આજે જે વસ્તુઓ આપણે વિદેશથી આયાત કરવી પડે છે, તેને લઇને આપણે વિચાર કરવો પડશે કે તે આપણા દેશમાં કેવી રીતે બને અને તેને એક્સપોર્ટ કરીએ. 

પીએમ મોદીએ કહ્યું કે આ જ સમય છે કે લોકલ માટે વોકલ બનવું પડશે. આત્મનિર્ભર ભારત અભિયાન હેઠળ રિફોર્મની જાહેરાત કરવામાં આવી, હવે તેના પર કામ કરવામાં આવી રહ્યું છે. 

પીએમ મોદીએ ICCના સંબોધનમાં કહ્યું કે હવે કોઇપણ કંપની સીધા PMOને પોતાનો સામાન અથવા પ્રપોજલને પહોંચાડી શકે છે, લોકોને GEM સાથે જોડાવવું પડશે. જેથી દેશી કંપનીઓનો સામાન સરકાર પણ ખરીદી શકે.

પીએમ મોદીએ કહ્યું કે લોકલ વસ્તુઓ માટે કલસ્ટરના આધારે મજબૂતી આપવામાં આવી રહી છે. નોર્થ ઇસ્ટને ઑર્ગેનિક ખેતીનું હબ બનાવાનો પ્રયત્ન કરવામાં આવી રહ્યો છે, ICC જો નક્કી કરી લે તો તેની ઓળખ ગ્લોબલ બની શકે છે. આજે સમય છે કે કોલકતા ફરી લીડર બને, કારણે એવું કહેવાય છે કે જે બંગાળ આજે વિચારે છે તે દેશ આગળ કરે છે. 

પીએમ મોદીએ કહ્યું કે 5 વર્ષ પહેલા LED બલ્બ 350 રૂપિયામાં મળતો હતો, પરંતુ હવે 50 રૂપિયા મળે છે. હવે દેશના કરોડો ઘરોમાં તેનો ઉપયોગ થઇ રહ્યો છે. 

પીએમ મોદીએ કહ્યું કે મન કે હારે હાર, મન કે જીતે જી... આપણી સંકલ્પ શક્તિજ આપણો આગળનો માર્ગ નક્કી કરે છે. જે પહેલાંથી જ હાર માની લે છે તેની સામે નવી કોઇ તક નજર આવતી નથી, એવામાં જ સતત પ્રયાસ કરનારાઓને સફળથા મળે છે અને નવી તક સામે આવે છે. પીએમ મોદીએ કહ્યું કે મુસીબતની દવા મજબૂતી છે, મુશ્કિલ સમયમાં ભારત હંમેશા આગળ વધીને સામે આવ્યું છે.