સર્વે / એશિયાઈ દેશોનું હાસ્ય ખોવાયું, આ દેશોના લોકો સૌથી વધારે ખુશ, ફિનલેન્ડ ફરી ટોપમાં, જુઓ વર્લ્ડ હેપ્પીનેશનો રિપોર્ટ

• સુખી દેશની યાદીમાં ફિનલેન્ડ ટોચના સ્થાન પર 
• વર્લ્ડ હેપીનેસ રિપોર્ટમા કરાયો દાવો

દુનિયાના સૌથી ખુશ દેશોની યાદીમા વધુ એક વખત ફિનલેન્ડ ટોચના સ્થાન પર આવી ગયું છે. મહત્વનું છે કે છેલ્લા 6 વર્ષથી ફિનલેન્ડ આ લિસ્ટમાં પહેલા નંબરે આવવાની પરંપરા જાળવી રહ્યુ છે. વર્લ્ડ હેપીનેસ રિપોર્ટ જણાવાયા અનુસાર આ રિપોર્ટ ગેલુપ વર્લ્ડ પોલના આધારે બનાવવામાં આવ્યો છે. આ રિપોર્ટમાં દર્શાવવામાં આવેલ એશિયાઈ દેશોની સ્થિતિ નિરાશાજનક છે.
રિપોર્ટમા ટોચના 20 સુખી દેશોમાં પણ એશિયાઈ દેશનો ક્યાંય સમાવેશ થયો નથી.  20 સૌથી ખુશ દેશોમાં ફિનલેન્ડ ઉપરાંત ડેનમાર્ક, આઈસલેન્ડ, સ્વીડન અને નોર્વે જેવા સહિતના દેશો ઉલ્લેખ કરાયો છે.

અફઘાનિસ્તાનનો ક્રમ 137
જે તે દેશોના લોકોની રહેણીકહેણી અને તેમના જીડીપી, સમાજિક સમર્થન, ભ્રષ્ટાચારનું પ્રમાણ અને એકબીજા પ્રત્યેના પ્રેમ સહિતના માપદંડોને ધ્યાનમાં લઈને વર્લ્ડ હેપ્પીનેસ રિપોર્ટમાં ઉલ્લેખ કરાઈ છે. બાદમાં વિશ્વના સૌથી સુખી દેશોની યાદી બનાવવામાં આવે છે. ત્યારબાદ હાલમા જ બહાર આવેલ હેપ્પીનેસ રિપોર્ટેમાં વધુ એક વખત ફિનલેન્ડને પોતાના ઉચ્ચ રેકોર્ટ સાથે પ્રથમ નંબર મલેવ્યો છે. આ અહેવાલમાં તળીયેથી નજર નાંખવામા આવે તો અફઘાનિસ્તાનનો 137માં સ્થાને નામ આવે છે.

સર્વેમાં સામે આવ્યું સુખનું સહસ્ય

ફિનલેન્ડમા સારું શિક્ષણ, સ્વાસ્થ્ય, શ્રેષ્ઠ  જીવનશૈલી સહિતની બાબતો લોકોને મળી રહે તે માટે સરકાર પ્રયત્નશીલ રહે છે. જે મળી રહેતી હોવાથી લોકોનું જીવનધોરણ સતત સુધારા તરફ રહે છે. મહત્વનું છે કે કોઈ પણ દેશની સમૃદ્ધિ જીડીપી, જીવનશૈલી, શિક્ષણ, આરોગ્ય અને લોકોના એક બીજા પ્રત્યેના સહકારને આભારી હોય છે. જે પૂરતા હોવાથી આ દેશ છેલ્લા 6 વર્ષથી ફિનલેન્ડ વર્લ્ડ હેપ્પીનેસ રિપોર્ટમાં નંબર વન પર આવે છે.ટોપ 20ની યાદીમાં પ્રથમ નંબરે ફિનલેન્ડ, ડેનમાર્ક બીજા નંબરે અને ત્રીજા નંબરે આઇસલેન્ડ, તેમજ ચોથા સ્થાને ઇઝરાયેલ, પાંચમા નંબરે નેધરલેન્ડ સહિતના દેશોનો સમાવેશ થાય છે.