BIG NEWS / ગૃહમંત્રી અમિત શાહની મોટી જાહેરાત: એકબીજા રાજ્યોએ હિન્દીમાં કરવો જોઈએ સંવાદ, મોટા ભાગના કામો રાજભાષામાં થશે

• કેન્દ્રીય ગૃહમંત્રી અમિત શાહે હિન્દી પર ભાર આપ્યો
• હિન્દીના મહત્વને પ્રોત્સાહન આપવા કર્યું આ કામ
• મંત્રીમંડળના મોટા ભાગના કામકાજ હિન્દીમાં થશે

કેન્દ્રીય ગૃહમંત્રી અમિત શાહે ગુરૂવારે સૂચન કર્યું હતું કે, બીજા રાજ્યના લોકોએ અંગ્રેજીમાં નહીં, પણ હિન્દીમાં એક બીજા સાથે સંવાદ કરવો જોઈએ. કેન્દ્રીય ગૃહમંત્રાલય દ્વારા જાહેર કરવામાં આવેલા એક નિવેદન અનુસાર શાહે અહીં સંસદીય રાજભાષા સમિતિની 37મી બેઠકની અધ્યક્ષતા કરતા કહ્યું કે, પ્રધાનમંત્રી નરેન્દ્ર મોદીએ નિર્ણય કર્યો છે કે, સરકાર ચલાવાનું માધ્યમ રાજભાષા છે. અને નિશ્ચિત પણે હિન્દીનું મહત્વ વધારશે.

અંગ્રેજીનો વિકલ્પ હશે હિન્દી

તેમણે સભ્યોને જણાવ્યું છે કે, મંત્રીમંડળનો 70 ટકા એજન્ડા હવે હિન્દીમાં તૈયાર કરવામાં આવશે. તેમણે કહ્યું કે, સમય આવી ગયો છે કે, રાજભાષા હિન્દીને દેશની એકતાનો મહત્વપૂર્ણ ભાગ બનાવામાં આવે. નિવેદન અનુસાર તેમણે કહ્યું કે, હિન્દીની સ્વિકાર્યતા સ્થાનિક ભાષાઓની નહીં, પણ અંગ્રેજીનો વિકલ્પ તરીકે હોવી જોઈએ.

તેમણે કહ્યું કે, જ્યાં સુધી અન્ય ભાષાઓના શબ્દોને લઈને હિન્દીને સર્વગ્રાહી નહીં બનાવીએ, ત્યાં સુધી તેનો પ્રચાર પ્રસાર નહીં થઈ શકે. ગૃહમંત્રીએ કહ્યું કે, અન્ય ભાષાવાળા રાજ્યોના નાગરિકો જ્યારે એકબીજા સાથે સંવાદ કરશે, તો તે ભારતની ભાષામાં હશે.

જૂલાઈમાં થઈ શકે છે બેઠક

શાહે ત્રણ મહત્વપૂર્ણ બિંદુઓ પર ભાર આપ્યા. તેમણે કહ્યું કે, સમિતિએ તેનો રિપોર્ટના પ્રથમથી લઈને 11માં ખંડમાં આપવામાં આવેલી ભલામણોને લાગૂ કરવા માટે જૂલાઈમાં એક બેઠકનો આગ્રહ કર્યો છે. 

શાહે કહ્યું કે, બીજા બિંદુ અંતર્ગત તેમણે નવા ધોરણ સુધીના વિદ્યાર્થીઓને હિન્દી પ્રારંભિક જ્ઞાન આપવા પર ભાર આપ્યું છે. નિવેદનમાં કહેવાયુ છે કે, ત્રીજા બિંદુ અંતર્ગત ગૃહમંત્રીએ હિન્દી શબ્દકોશની સમીક્ષા કરી તેને પુન: પ્રકાશિત કરવાની ભલામણ આપી છે. શાહે આ અવસર પર સમિતિનો રિપોર્ટના 11માં ખંડને રાષ્ટ્રપતિની પાસ સહમતિથી મોકલવાની મંજૂરી આપી છે.