હેલ્થ ટીપ્સ / હાર્ટ અટેક આવતા પહેલાના આ ચાર સંકેતોને લોકો સમજે છે સામાન્ય ફ્લૂના લક્ષણ, આ રીતે ઓળખો

• હાર્ટ એટેકના આવા લક્ષણોને લોકો સામાન્ય ફલૂના લક્ષણો માને છે 
• માન્ય બીમારીનું લક્ષણ સમજતા હોય તો ચેતી જજો
• એ લક્ષણો વચ્ચેનો તફાવત જાણો 

હાર્ટ એટેક આવતા પહેલા શરીર પહેલા ઘણા નાના નાના સંકેતો આપે છે પણ એ સંકેતોને આપણે કોઈ સામાન્ય બીમારીના લક્ષણ સમજીને ધ્યાન નથી આપતા અને ધીરે ધીરે પરિસ્થિતિ જીવલેણ બનવા લાગે છે. આવી જ રીતે ઘણી વખત લોકો હાર્ટ એટેકના આવા લક્ષણોને સામાન્ય ફલૂના લક્ષણો માનવાની ભૂલ કરે છે. આજે અમે તમને એ જ લક્ષણો વચ્ચેનો તફાવત જણાવવા જઈ રહ્યા છીએ.

ઘણી વખત શરીર સંકેતો આપે છે પણ આપણે લોકો હાર્ટ એટેકના લક્ષણોને ફલૂના સામાન્ય લક્ષણો સમજવાની ભૂલ કરી છીએ.  તમને જણાવી દઈએ કે ઘણી વખત આવી નાની ભૂલ ઘણી ઘાતક સાબિત થઈ શકે છે.  જો તમને પણ તમારું શરીર આવા સંકેત આપતું હોય અને તમે તેને સામાન્ય બીમારીનું લક્ષણ સમજતા હોય તો ચેતી જજો અને આ પ્રકારની ભૂલનું પુનરાવર્તન ન કરતાં. ચાલો જાણીએ કયા છે એવા લક્ષણો.. 

થાક લાગવો 
જે લોકો હૃદયની બીમારીઓનો સામનો કરી રહ્યા છે તેઓ વારંવાર શરીરમાં થાક અનુભવે છે.  જણાવી દઈએ કે હાર્ટ અટેક આવવા પર શરીરમાં સ્ટ્રેસ થવા લાગે છે અને દર્દી ઘણી ઝડપી રીતે થાકવા લાગે છે.  જો કે ફ્લૂમાં પણ થાક લાગવો સામાન્ય વાત જ છે પણ જો શરીરમાં ઝડપથી થાક લાગવા લાગે છે તો જાણી તે હાર્ટ અટેકનું સંકેત હોય શકે છે. 

શ્વાસ લેવામાં તકલીફ
સામાન્ય ફ્લૂમાં પણ શ્વાસ લેવામાં તકલીફ થાય છે, પણ જણાવી દઈએ કે શ્વાસ લેવામાં તકલીફ થવી એ હાર્ટ એટેક કે હાર્ટ ડિસીઝનું પણ એક લક્ષણ છે.  ફ્લૂને કારણે છાતીમાં દુખાવો અથવા શ્વાસ લેવામાં તકલીફ થઈ શકે છે, પરંતુ જો એવા લક્ષણ જોવા મળે તો મોડું કર્યા વીના તાત્કાલિક ડૉક્ટર પાસે જવું જોઈએ.

ચક્કર આવવા 
જે લોકોને ફ્લૂ હોય ત્યારે ચક્કર આવવા એ સામન્ય વાત છે પરંતુ જણાવી દઈએ કે આ લક્ષણ હાર્ટ એટેક સાથે પણ સંબંધિત લક્ષણ છે.  જો તમને લાગતું હોય કે ચક્કર એ તમને સામાન્ય ફ્લૂને કારણે આવી રહ્યા છે તો એવું નથી હોતું, એ હાર્ટ એટેકનું લક્ષણ હોય શકે છે. 

પરસેવો આવવો 
આજકાલ ટોમેટો ફ્લૂ જેવા ઘણા ચેપની ખૂબ ચર્ચા થઈ રહી છે. ફ્લૂથી પીડિત વ્યક્તિને તાવને કારણે વારંવાર પરસેવો આવે એ સામાન્ય વાત છે પણ શું તમે જાણો છો કે પરસેવો આવવો એ પણ હાર્ટ એટેકનું એક મહત્વનું લક્ષણ છે. જણાવી દઈએ કે બીપી ઓછું હોય ત્યારે પરસેવો આવવા લાગે છે અને એ પછી થોડીવારમાં હાર્ટ એટેક આવવાની સંભાવના ઘણી વધુ છે.